أحسن طريقه أحفظ فيها ولدي للأحرف الأنجليزية والعربيه ؟؟؟ ساعدوني يا امهات

اقتباس:

المشاركة الأصلية كتبت بواسطة ريماا والله ياجوكليت انا بعد احاااول بس اهو حافظ بعض الاحرف العربية من المدرسة نفسها والبعض منى انا اما الاحرف الانجليزية ليش انها كبتل وسمول عباااالة فمدرسة الخاصة اهى الى تدرسة للى الاحظة انهم يعتمدون على الصور يعنى لكل حرف صورة مثل أ< أسد ب< بطة واهو بس يشوف الصورة يتذكر الحرف وبعد مايحفظة لفظا ينسخة 6مرات وعشان مايمل من النسخ اشتريلة لوحة مغناطيسة صغيرة تونسة بالكتابة وطلبى منة يكتب الحرف ومرة قالتلى المدرسة انة لاازم تشترين للطفل لوحة مكتوبة فيها كل الاحرف وتحطينها بغرفة وقبل لايناام راجعو الاحرف وفى كتب بالمكتبة للتعليم لعبى معاة قوليلة اسألنى وانا اجاوب اشرى عالحرف وانا بقولة وانت قولى اذا غلط او صح وغلطى شوفى يصلح لج او لا وكتبيلة كلمة وقوليلة وين الحرف الفلانى فى الكلمة هذى حط علية دائرة انا بعد شارية احرف عربية فلين واقولة بنسوى مسابقة انا وياك 1 2 3 يالله طلع الحرف مثلا خا واخلية اهو يدور وانا ادور وهكذاا وكلة شجعية قوولى ماشالله عليك شااااطر وبالتوفيق

يعطيج العافية حبيبتي ريماا

وايد فدتيني

وفي لعبه الكتاب انا خذيتها قبل جم سنه كانت غاليه بشي وستين كنت ماخذتها من يوريكا الحين رخيصه تلقينها بالمكتبات
شايفه منها بمكتبه مشرف
هو مثل جنطه وعليها قلم ومعاه كتب وتقدرين تاخذين كل مره كتاب
تحطين القلم على الكلمه يقرالج الكلمه والاحرف
وفي قصص يطلع اصوات الحيوانات اللي بالقصه واسمائهم ويعلم الالوان والاشكال واجزاء القران الصراحه عيالي وايد استفادوا منه وممكن تركبين عليه سماعات

احاول احط لج صورته

صوت الحرف مع شكلة
يعني مثلا حرفo أعلمها صوته وأدور حلجي وأنا أنطقه وأحط صبعي دار مدار حلجي علشان تتعلم كتابته وماشاء الله أوكي معاها

وحرف m أكتبه بالهوا نفس مكدونالدز وتشوفني اكتبه على الورقة علشان تثبت شكله عدل
A أحط أصابعي على شكل8 وبينها صبعي من إيدي الثانية علشان يصير الشكل
وجذي باجي الاحرف
بس أكمل ممكن انزل موضوع يفيد الكل ان شاء الله
بس الاحرف العربية أصعب نكون شكله بايدينا

وعندي طريقة للقراءة حلوة تكتبين بطاقات باسماء الاشياء حوالي الياهل
مثل حمام نافذة حائط سرير ثلاجة وتلزقين البطاقة الملونة على الثلاجة بطاقة الثلاجة وعلى السرير بطاقة السرير وهكذا
ادعيلي يارب بنتي تتعلم الاحرف