تخطى إلى المحتوى
الرئيسية » حضانة بولكا دوت بالجابريه .منو جربها

حضانة بولكا دوت بالجابريه .منو جربها

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

أمهات الله يخليكم منو تعرف عن حضانة بولكا دوت ..البيت الأحمر اللي بالجابريه..هي توها فاتحه يديده بس قالولنا أنهم كانوا أول في بيت بقطعه 11 بالجابريه..بس بأسم ثاني مادري شنو…بلييييز بليييز اللي عندها فكره عنها تقولي قبل لانسجل بنت ولدي فيها..لأن اللي شفناه إن فيها بس مدرستين وحده أمريكيه ووحده أردنيه..معقوله حضانه بس فيها مدرستين..منو جربها الله يخليكم…

الوسوم:

14 أفكار بشأن “حضانة بولكا دوت بالجابريه .منو جربها”

  1. مريم
    الرد
    السلام عليكم اختي والله اول مره اسمع فيها طب عطينا رقم تلفونها ومنو مديرتها يمكن نعرفها وبما انهم مدرستين ماتعرفين يمكن يبون يغيرون الستاف القديم بيديد بس عفيه اذا عندتش رقم تلفونها قوليلينا

  4. kamiliya
    الرد
    مشكوره ملكه حبيبتي تسلم عيونج..عبق الزهره طرشت لج العنوان..الحضانه فيها أطفال موخاليه بس مادري اشلون حضانه بس فيها مدرستين ..شكلي باجر بمرهم وأشوف شالسالفه..

  6. khouloud
    الرد
    أم حسن أختي أنتي جربتيها؟ اشلون تدريسهم وعنايتهم باليهال والله احترنا ..نخاف نسجلها بمكان ويطلع موزين

  7. mira
    الرد
    حبيباتي الحضانة فرع لحضانة هيدستارت فى الجابرية صاحبتها امريكية متزوجة من كويتى ماشاء الله حلوة من داخل بس اللي ماعجبنى انها تنوم اليهال بعد فترة الغدا و تقول they should take a nap! يعني اليهال يتعبون وللازم يغفون !!!!! مريبة!!! هذا عن حضانة هيد ستارت بس بولكا ما ادري

    انا مسجلة بنتي فى حضانة انجلش نيرسري فى الرميثية وصراحة مفيدة ووايد يهتمون بالعيال

  8. hanan
    الرد
    أختي قراوله مشكوره وماقصرتي..بس وين صايره هذي الحضانه اللي قلتي عنها إذا ممكن عنوانها بالضبط أو رقم تلفونها علشان نروح نشوفها..يعني رايج هالحضانه اللي بالجابريه موشي؟؟المشكله جنتي تبي بالجابريه..وماكو حضانات وايد أعرف (ليتل مي) بس أعتقد إنها شقه مو بيت..ماشفتها من داخل بس شفتها في عماره..وفي حضانة اللغه العربيه بس مايركزون على الانجليزي.. وفي حضانة مور بنروح نشوفها.. واللي تعرف بعد حضانات ياريت تقولي..

  9. salima
    الرد
    السلام عليكم خواتي اختي مروو انا من فتره كنت ادق على حضانه مور ولا الرقم مفصول ترا الرقم ارضي مو موبايل بعدين شوفي جوجل كتبي حضانه مور وشوفي شلون يقولون عنها انها ما كو عندهم منهج اما بخصوص حضانه لوكا انا امس رحت خذيت الرقم من اليافطه لان انشغلت من يومين بس امس رحت وشفت ارقم قاعده ادق بس مايردون قلت خليها باجر لان سيارتي اختربت وتبيلها شم يوم وتتصلح فما دري جنها المديره مالت الحضانه اهي امريكينه ولا طب اكو عندهم منهج يعني يدرسون ولا لعب لان اغلب الحضانات الانجليزيه يلعبونهم بس ما يعطونهم دروس

  10. khouloud
    الرد
    انا مدخله ولدي بولكا دوتس من شهر 9 اللي طاف

    ياريت في امهات هني مدخلين عيالهم

    بشوف مستوى عيالهم شلون

    لاني ناويه اطلعه

  11. inzou07
    الرد
    رفيجتي معاي بالدوام حاطه ولدها هناك… بس اهي مرتاحه عليها لان احنا دوامنا مرات نخلص 3 او 3 ونص والحضانه تكون فاتحه اتوقع لي 5 و الشي الثاني الحلو فيها ان يعطون اليهال وجبه ريوق وغدا
    بس صراحه اسمع رفيجتي تمدحهم بهالشغلتين

    بس عن مستوى التعليم صراحه ما سالتها اذا تبين اسالها انا حاضره

  12. hamida
    الرد
    دانه حبيبتي اي والله ياريت تسألينها

    صح انا بعد اللي مريحني انهم لي 3 .. بس انا كان ودي اعلم ولدي انجليزي اكثر من العربي

    اهو مستواه زين .. وانا من قبل لا ادخله كنت اكلمه انجليزي بالبيت .. من دش الحضانه تغير

    صار يتكلم عربي اكثر و غير جذي صاير يعاند وشيطان ويقول كلمات وصخه !! انا استغربت من هالتصرفات

    بس لمن رحت اليوم الوطني اللي سوه الشهر اللي طاف شفت بصفه اصبيان 3 شياطين وطول الحصه يتطاققون والابله ساكته ماتقولهم شي !!!!

    و شفتها بس تعلمهم عربي وكل سوالفم بالعربي

    جان اكلم مشرفتهم قالتلي احنا نعلمهم انجليزي بس يمكن ولدج صعبه عليه اللغه

    قتلها لا انا معلمته انجليزي قبل العربي ..

    فحسيت انها حضانه حق لعب مو مستوى تعليمي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.