بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم حبيباتي ياليت تساعدوني باللي تقدرون عليه انا فيني شي بصراحه ما ادري شنو بواسير او شرخ مادري شنو بالضبط وماراجعت استحي شلون يفحصون تكفون عطوني حل وربي صرت اخاف اروح الحمام احاتي الالم الله يكرمكم حزة ما اقضي حاجتي احس كأن اللي يطلع مني قزاز او شي مكسور الم ودم وبعدها الم كأن المكان محروق والله اكتبلكم وانا تعبانه للعلم فيني فقر دم وتوني والده قيصريه والله يعلم بحالي ابي علاج مرهم حبوب اي شي لا تبخلون علي تكفون
السلام عليكم حبيباتي ياليت تساعدوني باللي تقدرون عليه انا فيني شي بصراحه ما ادري شنو بواسير او شرخ مادري شنو بالضبط وماراجعت استحي شلون يفحصون تكفون عطوني حل وربي صرت اخاف اروح الحمام احاتي الالم الله يكرمكم حزة ما اقضي حاجتي احس كأن اللي يطلع مني قزاز او شي مكسور الم ودم وبعدها الم كأن المكان محروق والله اكتبلكم وانا تعبانه للعلم فيني فقر دم وتوني والده قيصريه والله يعلم بحالي ابي علاج مرهم حبوب اي شي لا تبخلون علي تكفون
انا بعد توني والدة وفيني بواسير ورحت لدكتورتي الولادة واهي فحصتني فحص عادي مايفشل من الدكتورة اهي متعودة على هالامور وعطتني مرهم وتحاميل وكل شي تمام بس مااقدر اكتبلج اياهم لازم تشوفج الدكتورة حالة عن حالة تفرق بس اهم شي تاخذين ملينات مايصير يكون فيج قبض ولا حتى اشوية وكثري عصاير وسوائل والياف وخضروات
وسلامتج حبيبتي وطمنيني عليج
انا عانيت من البواسير وانا حااااااااااامل ولا يصرفولي اي علاااااااج
اطلع من الحمام وانتو بكراااامه ابجي بجي معااااااناه
طلع فيني بواسير مع شرخ داخلي واللي كان متعبني الشرخ
اول شي احمدي ربج انج موووو حامل يعني في علاجات لج
شوفي اهم شي ما يجيج الامساك
يعني تكرمون الخروج لازم اسهااال
اكلي كيوي قطعي حبتين او 3 حبات قطع صغااااار واكليهم
في حبوب بالصيدليه كرتونتها يمكن بنص دينار رخاص حيل بس عجيبه
تاكلين حبتين عالنومه واذا حسيتي بمغص لاااااااا تروحين على طوووول الحمام لا امسكي نفسج شوي لحد ما تحسين انج خلاص
وللعلم كنت استخدم دهونات وشغلات جذي بعد ولادتي بس ما نفعني الا الجراحه سويتها بالهادي صج ارتحت بعدها
والدم اذا يطلع بالخروج فاكيد شرخ داخلي ووقت الخروج يزيد العوار عندج صج
لان لما يخف يكون تصكر الجرح وبوقت الخروج اذا كان امسااااك خاصه يتبطل الجرح ويتسبب بالدم اللي ينزل والعواااااااااااااااار اللي يذبح
والله العظيم حاسه فيج لما تقولين احس يطلع مني مثل القزاز او الشي المكسور
عسى الله يشافيج ياااااااااااا رب والله ادعيلج من قلبي
وامانه طمنينا عنج لا تنسين
انا صارلي اسبوع احس عوار بالخروج عزكم الله جنه شي يطلع يشقني يقصصني والله اموت من العوار
المهم بس اليوم اول مره يطلع معاي دم عزكم الله جنه دم دوره والله حدي اخترعت وشوي وابجي وطبعا مع عوار يذبح احس اني قاعده اتشقق من هالمكان
انا الحين خايفه مادري شنو اروح الطبيب ولاعادي
المهم من الخرعه رحت كليت برتقالتين وخيارتين وشربت بطلين ماي والحين برب ماي دافئ على الريج
وتمر مع هرده وذره
وبقدونس وكزبره لاني ضج ضج مالي خلق عمليات انا بروحي والده مرتين قيصريه مالي خلق شي اسمه بنج
لانه تعب تعب والله
شنو تنصحونا لانا انا بعد نفس المشكله بس انا والده صارلي 8 اشهر