الهرمونات

up

up

plz

تحاليل الهرمونات دم ويكتبهم الطبيب
اي نوع من الهرمونات قصدج شنو اعراضه ؟
كل هرمون مسؤول عن شي ونقصه يسبب شي

مثل هرمون الغده الدرقيه الخلل فيه يأثر على النوم وعلى الحمل والدوره
هرمون البرولاكتين ( هرمون الحليب ) اذا زاد يمنع الحمل
في هرمونات تزيد الوزن وهرمونات تخرب البشره والشعر اذا زادت مثل هرمونات الذكوره ( التستيرون )
مايصير تاخذين اي دوا للهرمونات بدون استشارة الطبيب لأن الهرمونات لازم تكون بنسب مضبوطه والا تسبب خلل بالجسم .
لازم تستشيرين الدكتور

تاخذين تحويل من مستوصفكم
انا تابع العاصمه حولوني مستشفى الفارسي بالصباح
خذيت موعد ويوم الموعد عطاني 3 تحاليل
2 عادي وواحد رابع يوم العاده الشهريه
واحد منهم للغده الدرقيه
اكتشف عندي ارتفاع هرمون maile اكثر ممن femail
واعراضه خشونه الصوت وصغر حجم الصدر وزياده نمو الشعر بالذقن وووووووووو
قالى العلاج يمكن يمتدد لمده سنة
استشرت غيري وقالى ان العلاج بيكون رفع للعاده الشهريه لمده معينه
وهالشى راح يسبب لج العصبيه وتمتنين بشكل مو طبيعي ويطلع حبوب بويهج ويتعبج نفسيا
وقالى دايركت بعد الزواج وولاده اول طفل لج اذا كان ولد راح يتعدل الهرمون طبيعي ولا تتأثرين نفسيا وجسميا

وصج ما عالجت صج اعاني من هالشى بس متحمله
الذقن سويت ليزر والصدر الله يخلي الكريمات
وفى خربطه بيوم الدوره

بالنسبه اذا انتى العكس هرمون femail اعلى من mail
يكون معدل الاستروتيجين مرتفع عندج
ويسبب زياده حجم الصدر وارتفاع حليب الصدر ويأثر عليج بالحمل اذا كنتى متزوجه
ونفسيا تكونين حساسه وااااااايد وانثويه زياده عن اللزوم هههههه

والغده اذا كانت خمول تسبب الكسل وكثره التوم والمتن
واذا كانت نشطه تسبب كثره الحركه والنشاط والضعف والعصبيه وقلة النوم
وتقدرين تلاحظين هالشى تشوفين رقبتج وجسي الغده اذا كانت بارزه وملحوظه

هذا تفسيري حسب مشوراي بالعلاج
وبالتوفيق يا الغاليه وما تشوفين شر

q8ia7

حبوبة لاتاخذين حبوب هرمونات انوثة الا باستشارة دكتور فوق مستوى الممتاز
عشان بس يعادل الهرمونات عندج ويوازنها بدون زيادة
لان هرمون الاستروجين اذا زاد عن الحد يسبب سرطان الصدر 00 هذي حقيقة علمية ثابتة

اما اذا عن تكبير الصدر00 هذي خلقة في جسم كل بنية
في بنات لهم صدر اشكبره وبعضهم ممسوحات

اذا انتي بنية 00 فالمتن المتوازن اهو الحل مع الرياضة عشان يتوزع الاكل عدل بالجسم

اما اذا متزوجة فالله يخلي عمليات تكبير الصدر

[QUOTE=q8ia7;18652622]مشكوووووووورييييييييين والله ماقصرتو ..
مشكوره اميرة الغيد بعد عمري ..

بيربل حبيبتي ماقصرتي بس خرعتيني والله شنو هالكلام يخوف

انا صدري صغير وحيل اعاني من هالشي وصح فيه شعر زايد بالويه .. بس الاشياء اللي ما اعاني منها ان صوتي بالعكس والله ناعم واخاف مع الوقت يخشن ياحسرتي وهم بعد دورتي منتظمه الحمدلله ..
والعلاج … انا اصلا بشرتي احسها تعبانه ! وجسمي مابي اخربه !! يعني شنو تنصحيني اتم جذي وما آخذ علاج ؟

بسألج هل ( الإفرازات تحت "العفو" / وزيادة التعرق بالجسم / وتساقط الشعر / وزيادة الدهون في بشرة الويه / والحبوب ) اهي من اعراض خلل الهرمونات بعد ؟؟
اول شي حبيبتي مايصير تاخذين هرمونات على كيفج لان اي زياده اون نقص تأثر على الجسم كله يعني لازم تراجعين دكتور وتسوين تحليل
ثانيا حجم الصدر مو مقياس لانه يتحدد حسب شكل الجسم والوراثه بس اذا زاد هرمون البرولاكتين يصير الصدر يابس ويكبر شوي عن طبيعته ويأثر على الدوره فتصير خفيفه
الافرازات ممكن تكون من التهاب او شي ما اظن له علاقه بالهرمونات
العرق ماله شغل لانه مسؤوله عنه غدد عرقيه مو هرمونات انوثه وذكوره
تساقط الشعر له علاقه بالهرمونات يعني اذا زاد هرمون الذكوره يزيد تساقط الشعر واكثر شي من جدام لكن هم مو دليل لان تساقط الشعر ممكن يكون له اسباب ثانيه مثل فقر الدم وغيره
زيادة الدهون لها علاقه بهرمونات الذكوره بس هم مو شرط
اعراض خلل الهرمونات تغير بالوزن وممكن الشعر يطيح ويصير ناشف والبشره تتغير تصير حساسه وجافه او دهنيه حيل وممكن يطلع لج حبوب

اهم شي تراجعين طبيب ويسوي لج تحاليل وبالغالب اذا عندج هرمونات الانوثه والذكوره مو مضبوطه اكثر شي يأثر على الدوره .
اتمنى اكون فدتج بس اهم شي كلام الطبييب مو تنسين

هلا فيج حبوبه
لا مو القصد اخرعج حاله عن حاله تفرق
انتى روحى واستشيري
اذا قالج العلاج بحبوب الياسمين ونررفع العاده نفس ما قالج نصيحتي لج لا توافقين
او يمكن حالتج تفرق وعلاجج غير لا امشى وتعالجي وان شاء الله ما تشوفين الا العافيه
هالاعراض بعد تشمل بالخلل الهرموني يمكن انتى اعتقد الغده الدرقيه تعانين منها مو الهرمون
علاج الغده يختلف غير عن الهرمون
اسعى والله يوفقج