تجربتي مع لصقات التبييض الثري دي من crest

السلام عليكم والرحمه

،

كيفكووون صبآيآ ؟

طبعا انا احب اذا استفدت من شي افيد اللي معاي واليوم حبيت
احط تجربتي لتبييض الاسنان بلصقات crest

اول شي راح احط صور اللصقات + طريقه الاسخدام وبألاخير راح اكتب رآيي
والنوع اللي طلبته من الانترنت هو ايدد نوع

crest 3d white strips

وتحتوي العلبه على 20 لصقه . . وهاذا شكلهم

صور اللصقات

طريقة الوضع : اتحطينهم على اسنانج وتلفينهم من وره يعني تغلفين الاسنان بشكل كامل

ارشادات قبل الاستخدام :

1- تستخدم لمدة نص سآعه
2-يجب ان تكون الاسنان جافه قبل التلصيق
3-لاتناسب اللي مركبين اسنان اوحشوات اوفينير
4-لاتناسب الاطفال اقل من 14 سنه
5-المنتج ليس له اضرار ولايؤثر على مينا الاسنان بعكس عمليات الليزر والضوء الاخرى
6-لاتناسب الاسنان الحساسه نهائيا (في نوع خاص للاسنان الحساسه لونه وردي)
7-للحصول على نتائج افضل قلل من شرب القهوة والشاي خلال ايام الاستخدام
8-لاتفرش قبل او بعد استخدام اللصقه لمدة ساعتين
9-بعد ازالة اللصقه تمضمض بماء لازالة الجل اللاصق بالاسنان(مهم جدا عدم ترك بقايا الجل لكي لايسبب الم لاحقا)

تجربتي + رايي :

اول شي كنت متخوفه خصوصآ ان اسناني حساسه بس حبيت اجرب هالنوع لانه يديد وشامل اكثر عن
المنتجات اللي قبله قلت بتوكل على الله وبجرب وخلآل يومين وصلني المنتج وطبقت كل الارشادات
والنتيجه بانت في 3 يوم .. والصرآحه ماشاء الله روووووووعه بيض اسناني وبدون الم نهائيا
مع اني دلوعه انا ومن اي شي بسيط اصيح بس صدق ماكان في اي الم الحمدالله ,,
والبياض بكل 3 ايام يزيد عن قبل وللامانه استخدمته 11 يوم ووصلت لنتيجة مبهره الحمدالله ووقفت
لاني انشغلت وحاله بس ان شاء الله من اليوم راح اكمل ,, واحلى شي يوم اتحطين الارواج
يبين عدل مدل صرت كله اضحك واطلع اسناني غصب .. وبث

* أي استفسار لآ يردكم الا الكيبورد , مع السلآمه