عملية تجميل انفي عند الدكتور عبدالمحسن جعفر

السلام ,,, اليوم حبيت انقل لكم تجربتي الفاشله بكل المقايس عن عملية تجميل انفي عند عبدالمحسن جعفر و الله اني ما

ظلمته في و لا كلمه ,

انا صاري الحين شهرين من سويت العمليه.

اول ما رحت له كنت مو مقتنعه و الله و ما كنت ابي اسويها بس الي صار . دخلت عليه طبعا ياكلج بالحجي و يمدح نفسه و

و انا و انا و عطاني موعد حق العمليه و طبعا دفعت قبل العمليه و اخد مني 2200 و المستشفى 300 دينار طبعا وايد

كلا 2500

بس انا قلت مو مشكله ادا بحصل نتيجه زينه , و قعد يقول انا غير و انا و انا وانا النتيجه عندي تبين عقب شهر مو مثل باقي

الدكاتره. طبعا بعد العمليه يقول لج لازم 9 شهور

صراحه الدكتور استغلالي لابعد الحدود ما يهمه المريض اهم شي عنده الفلوس و ياريت على سنع

سويت العمليه و فالمواساة لان اهو مايسوي غير فالمواساة و عقب العمليه و لا مر علي و طل بويهي , و قالولي السسترات

باجر روحي له العياده, رحت له من باجر قبل لا ادخل عنده دفعني 40 دينار ثمن استشاره ! و انا توني دافع له 2200 و ما

سوى شي بس شال الشاش الي في خشمي

و طبعا يعطيج موعد مرتين فالاسبوع و المره تدفعين 40 دينار و فالاسيوع 80 دينار تخيلو استغلال ما بعده استغلال

ساعات كنت اطوف و ما اروح و ادا رحت له يقول ليش مايتي ينتفخ خشمج ؟ يجدب لان اما كنت اروح له كان بس يبدل لي

اللزقات ,حتى حديده ما حط لي يقول ما تحتاجين ؟ اعتقد تحسف عليها

و عقب قالي ادا يتي يبي صورج عشان اقارن شكل خشمج لاني خديت كل صوري منه.

و الله العظيم اخد صوره مني و خشها و انا متاكده انها عنده , و رحت له يقول مو عندي انت خديتيها ! بالدمه هدي اخلاق

طبيب !!

انا خشمي ما كان فيه شي بس عظمه ناطه و الارنبه فارشه بسيط .و الفتحات مو متساويه و اقوله الفتحات مو متساوسه يقول من بيطل في خشمج من تحت!!

النتيجه:
اول ما سوى العمليه خشمي وارم من جدام قلت له حط لي الحديده عشان يصغر ما رضى ! والحين خشمي فارش من جدام

و حتى العظمه ما بردها عدل و نطت زياده الحين

وخشمي عوي على الصوب اليمين , وعلى طول يصب ماي و الحين لازم اسوي اشعه مقطعيه عشان اشوف اهو شنو مسوي الي مخلي خشمي يصب على طول.

وويهي وارم من عند الخدود. ما اقول غير حسبي الله و نعم الوكيل دكتور استغلالي ما يهمه غير الفلوس و ادا اخد فلوسه مايعبرج

نصيحه قولو حق كل الي تعرفونهم لحد يسوي عنده و الله و الله هدا الي صار لي و اني ما جدبت في و لا كلمه

حسبي الله عليه