تقريري المفصل والمصور عن عملية تجميل خشمي في ايران

طبعا يواعاااااااااااااااااااااا ولازم ما ناكل إلا بعد 4 ساعات من العملية
ماقدرت يومها أنام من التعب
لازم أنام على ظهري
خشمنا امسكر ابفتايل ونتنفس من حلجنا
وحتى يوم يابولنا الأكل ما قدرنا ناكل حسيت روحي اختنق إذا باكل وخشمي امسكر ابفتايل
واي صج صج مأساة وتعب
زوجي ودا بنتي باغ وحش يعني حديقة الحيوانات ووداها الملاهي وياني بالليل
يابلنا عصير هذا الشي الوحيد اللي قدرنا اندخله في حلجنا
اليوم الثاني من الصبح
يات سستر دكتور نعيمي قزتنا ابره مادري مالت شنو
وعطتنا مضاد حيوي

وشالت لنا الفتايل
صج صج الحمد الله وايد ارتحنا يوم شالت الفتايل لان دخل هوا بخشمنا وصار النفس وايد أحسن وقدرنا ناكل
يابوا لنا ريوق بيض مفيوح ماحبه وخبز إيراني يابس يعور الخشم واحنا ناكل فيه
ومربى
بس أكلنا شويه من اليوع
وما صار الظهر إلا الحمد الله سوينا إجراءات الخروج وطلعونا وخذوا منا خرده ماذكر جم بالضبط
طلعنا رحنا الفندق خذيت بنتي وأختي الصغيرة وطلعنا نتغدا ورحنا مطعم إحسان عجيييييييييب وفي مينيو ايطالي وماش بوتيتو وستيكات بالمشروم يام يامي بس مانقدر نحرك فكنا وايد لان خشمنا يعورنا فأكلنا قليييييييييييييييل وبطييييييييييييييييئ
بعدها رحنا حق الدكتور
قالي : أن وصلت فلوسه من الكويت …
الحمد الله
وقال : لازم نظل بالجبس 10 أيام وعلمنا شلون انشيله بروحنا بالبيت … ناخذ شاور وتحت الدش انقص اللزقات وانشيله شواي شواي
بعدها عطانا لزقات
وقال بعد الجبس نحط هاللزقات لمدة من 5 – 6 أسابيع كل 5 أيام أنبدلهم
وعلمنا الطريقة شلونا نحطهم بروحنا…
وكتب لنا دوا من الصيدلية هذي صورته…

ناخذ 3 حبات باليوم بعد الأكل مجموعهم 50 حبة لكل وحدة فينا
وقال: السستر راح تييكوم الفندق اتقزكم الإبرة الثانية
وأول ماتردون الكويت الأحد شيلوا الغرز الخارجية
وعطانا ايميله علشان لا رجعنا نقدر نتواصل وياه بالأسئلة
وعطانا ورقة بالفارسي فيها تعليمات يوم ردينا الكويت ترجمناها:
منها:
1- عدم ارتداء النضارة الشمسية لمدة شهر
2- عدم ممارسة الرياضة لمدة شهر
3- تناول الأطعمة قليلة الملوحة
4- عدم النوم على الجوانب
هذا اللي أتذكره …
وبس

يتبع…