@@ . رسالة حب يا أمي لي منك في يومي ::: رسائل حب منكم إلى أبنائكم المعاقين

لو اقعد اكتب من اليوم لآخر لحظه بحياتي ما أقدر أوفي حبي ومشاعري لوليدي ضناي اللي حملت فيه وتحملت التعب والسهر والمرض يكفي ان ربي سبحانه رزقني بأحلى منحة وهي وليدي المعاااق الصراحة البداية مثل أي أم تزعل بينها وبين نفسها إن طفلها غير سليم أو مكتمل أو فيه نقص بس سبحانه ربي يمسح على قلب الأم ويذكرها بأن الله ياخذ شي ويعطي أشياءاللي قاعدة أتعب عليه ألحين يا وليدي إني ما أبيك تزعل أو تضايق أو تنزل دمعة من عيونك فديتك أبي أشوفك تكبر وتسولف معاي وتقولي يما أنا أبي أصير كذا وأبي أنجح بكذا أبي أشوف طموحك أبي أتناقش معاك ونسولف متى يارب أشوفه جدامي يكبر وأحسسه ان العالم كله يحبه وان إعاقته ما راح ترده عن أي شي وده يسويه وليدي ضناي انا امك حبيبتك لي طالعتها بعيونك تقولك كل ليلة:حللني ياوليدي وسامحني ان كنت قصرت معاك بشي .الحجي واجد واللي بالقلب مايعلم فيه الا رب العالمين بس تأكدوا ان ما يحس بالضنى إلا اميمته حبيبته يعل ربي يخليكم لعييلكم ويقويكم ويصبركم .

مشوار الصبر:
بدى من أول يوم من الولادة عانيت فراقة 10 ايام ولكن تحملت وحاولت ليما قدرت احضنه والمه وبفضل سبحانه ربي ما سمحت لدكتور كلامه مقيد بالشهادة والعلم (وما أوتيتم من العلم إلا قليلا) صدق الله العظيم. يحبطني بكلماته وربي يقويني بصبري ويزيدني ايمان يكسرني الدكتور بجملته القاتله:ولدج راح يعيش طول عمره على الفراش من غير تحريك.وربي سبحانه يوم عن يوم يحي العظام وهي رميم .
من توكل على الله ماخب ومن خذى بالأسباب وتوكل واعتمد اكيد بينجح وبيوصل .
العمليات والمستشفيات ومعانتي وياهم بالأشهر يمر عيد ورى عيد بس الصبر والأمل موجود بأن ربي سبحانه بيفرجها وتهون الأم هي الدافع القوي لمسيرة الحياة اهي نبض الحب وشمعة أمل للطريج ماعليه لازم ولا بد نصادف عثرات ونواجه ناس سواء سلبي او ايجابي لكن بالعقل والتحمل وشلون نقدر نواجه بننجح ونقدر نرد على أي سؤال .
كل زيارة للطبيب اسأله : هل يحتاج ولدي علاج للخارج؟؟؟
يرد : لا ما يحتاج.
بس ما خليت حاولت وحاولت ليما سفرناه بره وسويت اللي قدرنا عليه رب العالمين .
الأمل والكفاح والصبر = النجاح

يابطل السنه هاذي نخلص عشر سنين من مشوارنا مع بعض بآلامها وبسهرها وبإحباطاتها وبدموعها وبضحكاتها ومن كرم ربي عزوجل إني أشوفك سنه عن سنه تتحسن وللأفضل صحيح تمر علينا لحظات عصيبه وأحسك بتخليني وتغمض عيونك اللي دايما تثبتني أيام وليال وأقول تكفا بابا لاتخليني أموت من دونك وش أنا بلياك إنت محور حياتي وإنت اللي تديرها إنت سيدي وأنت اللي أبني عليك آمالي وطموحاتي إنت مطار حياتي منه أقلع وله أرجع ولما أكون خلاص إستنفذ كل صبري فتحت عيونك الله لايخليني منها وتبسمت لي أحس كل هم زال وكل صعب هان

حبيبي حنا تعاهدنا نكمل مشوارنا مع بعض ومانخلي شي يحبطنا وإنت إسم الله عليك دايمن بطل وتقاوم وتشجعني يمكن النتايج بطيئه بس في نتايج لو كل 5سنين ترفع إصبع هاذا بحد ذاته إنجااااز وصح الدكاتره يمرضونا بس كلامهم مايردنا إهم بشر مثلنا مايدرون يقرون من كتبهم واللي سطروها بشر مافي مصطلحاتهم الطبيه إن الله قادر وإنه لطيف خبير وإن الله مايعجزه شي وإن الله ليس بظلام للعبيد وإنه بعد أحن عليك مني أنا أمك هو سبحانه كتب علي نفسه الرحمه وشلون مايتولاك طفل لاذنب إقترفته ولاأحد ظلمته سبحانه العادل االحكيم الخبير

ياأغلي من روحي …..لك الفضل بعد الله في كل تميز في شخصيتي وحياتي سواء علي المستوي العائلي أو المجتمع الخارجي علمتني الصبر والتدبر والتروي والحكمه والدنيا في عيني هانت ونظرت لها من منظور ثاني واللي أكبر من هاذا كله قربتني من ربي وصرتي لي باب منه أرجو مغفرته ورحمته وفضله

وإنشالله بإذن الواحد الأحد في هاذا المنتدي الغالي أحط بطاقة عرسك وأعزم حبايبي أمهات التحدي والصبر فديتهم وبوسه علي راس كل أم عانت الله يكتب لها الأجر الكبير ومايخيب رجاها ويرزقني وياكم الإيمان والثبات والرضي وبووووووسه قويه لعيالنا الله يشفيهم جميع ويقر عيونكم يارب بشفائهم

وباقة ورد معطره بدهن العود والكادي لأحلي مشرفه مشرفتنا النشيطه الصابره المحتسبه الله يقويها ولصاحبة الموضوع كل التحايا والإمتنان

والحمدلله على كل حاااااااااااااااال
الصابره وفجر ومشاعل صج نزلتوو دموووووووعي
انا قصتي مشابهه لقصصكم ومريت بكل الي مريتو فيه والحمدلله على نعمة الصبر وعلى سعة الصدر
الله يعطيني ويعطيكم ويعطي كل أم عانت وتعبت الصحه والعااافيه وطولة العمرر ولايحرمنا الاجر والثواااااااب
على راسي كلكم يالغااليات