ضروري سؤال حق اللي سووا الديتوكس عند د/بدرالنصرالله باجر راح ابدي وفي شي مو عارفته

afaaaa

والله ماعرفه

هلا اختي
اسمحيلي بالمداخلة بس صج تضعفون عليه!
انا اليوم صارلي اسبوع من سويته وصراحة مادري يعني ما حسيت بوزني وايد نزل بس يعني شوية هدومي لمت علي عرفتي

فمادري كم كيلو المفروض ننزل بهالاسبوع؟

ممكن تكتبين لنا النظام ولا عليج كلافة
تشجعت ودي اسويه

شوفي اختي انا كنت اراجع عند دكتور بدرالنصرالله وعطاني اول اسبوع هالنظام بس مانزلت عليه وايد يمكن كيلو او نص كيلو لاني بصراحه ماقدرت عليه

بس اهو المفروض اذا التزمتي فيه عدل عدل ينزلج من 3-4 كيلو باسبوع…وماشالله الاخت اللي حطيت رابط موضوعها نزلت عليه بأسبوع 7 كيلوو…ماشالله…وهذا اللي شجعني اني اسويه…

والله انا نزلت عليه 7 كيلوو لاني التزمت عدل عدل و كنت اطوف اشياء مااكلها مثل التمر و انشاااااااء اليوم ببدي فيه مره ثانيه

النظام مثل ما اهوا موجود لازم تطبقينه.. واهوا عباره عن بدايه فقط لا غير..
والكيلوات اللي تنزلينها عباره عن سموم من جسمج وماي زايد.. انا قبل سنتين كنت اسوي عنده و لمن سويت اول اسبوع اللي اهوا الديتوكس نزلت تقريبا 4 ونص كيلو.. قال لي هذا كله الزايد فجسمج نزل عشان تهيئين جسمج ينزل بانتظام بعدين..

وقال لي تقريبا كيلو ونص الشحم بس من مجموع 4ونص..

نسبه نزول كل وحده تختلف عن الثانيه.. ومن ناحيه انج تيوعين.. انا اول يومين تييني البجيه بليل..!
بس على قولتهم اللي يبي يتحمل

ترى تمشي الايام بسرعه ما توعين الا خلص الاسبوع..

موفقين كل اللي يمشون عليه..