قبل لا تشتركين بأحد شركات التغذية تعالي نصيحة

مرحبا بنات..

أنا اليوم صارلي 3 أيام مع ( دايت كير )

الصراحة حيل أحس باليوع يعني انا مشتركة على اساس 3 وجبات

ريوق وغدا وعشا بس الصراحة بين الوجبات أموت اموت يوع..

أنا ترا ما أواطن الريوق تخيلوا صرت انطر مناطر متى يصير الريوق علشان أكل

وكله أحس مالي خلق اتحرك وامشي والسبب اني أكون يوعانة.

اكلهم توب ويهبل وشحلاته ولا يعلى عليه من ناحية النظافة والجودة

بس صدقيني اذا كنتي من النوع الي يحب الأكل راح تموتين يوع. يعني اذا

شايفة نفسج تقدرين تمسكين نفسج بين الوجبات وماتاكلين شي

أو بمعنى أصح اذا تقدرين تاكلين الي بالكرتون وبس وبدون أي شي ثاني اشتركي

أما اذا كنتي تحبين الاكل مثلي واشتركتي وبتلتزمين بالعلبة الي توصلج صدقيني بتموتين

يوع. قلت أقولها نصيحة حق الي تبي تشترك ومترددة ويمكن من تقرا كلامي تتخذ موقف

جاد.. انا الصراحة لو رد الزمن فيني ل ورا جان ما اشتركت.. جان ظليت اخفف أكلي احسن..

لأن فعلا قاعدة أحس بيوع فضيع بين الوجبات.. يعني من أخلص الغدا أموت يوع واحس باليوع

بعد ساعة ونفس شي مع العشا ونفس الشي مع الريوق مع اني قبل ماكنت جذي..

ع العموم هذي تجربة.. وكنت وايد حابة اشترك بأحد شركات التغذية وكاني اشتركت وعرفت النتيجة..