خلص ترا خل نحترم نفسناآ،،حان وقت التغيير//لأني جربت المتن والظعف شوفو الفرق

السلاااااام

بنات توني والدة

والجسم كارثة .. حسافة من عقب ماظبطته وظعفت ورديت جني بنية حملت

والحمدلله على كل حال

والحين رح ابلش مرة ثانية المشوار المتعب والطويل للرشاقة

بنات صج المتن خاآيــس وموحلو ولأني جربت بحياتي اني اكون بطة .. وجربت اكون رشيقة

وشتــااآن بين هــذآ وذاآك !!!!

بقولكم الفرق

وانتو حكمو .. واكيد يالبطاات رح تتشجعون ….

1) المتـــــن

جربته يوم كنت حامل وعقب الولادة

اول شي الهدوم

صععب تحصلين شي قياسج
خصوصا ان طولي فوق 170 .. يعني مع المتن بيصير الشكل اكس

وهذا غير ان كل ماادش محل يطالعوني جنهم يطردوني لووول
خبركم زارا وهالمحلات حتى ال xl صاير جنه ميديوم صح ولا لأ

ثانيا

النفسية

امبي تصير مو صج
كله متحبطة
كله مابي اطلع
ماودي بكل وقت اكشخ كشخة كاملة
تييلي اوقات ابجي بدون سبب
وتصير عندي عدم ثقة بالنفس

ثالثا
المناسبات
اقعد افكر لي سنة جدام شنو المناسبة الياية
وشلون بيكون شكلي
وشنو بلبس
واشيل هم اي عزومة او اسقبال او عرس

رابعا
معاملة الناس

لاتقولون ماتتغير .. الا والله تتغير ونص
تحسين مو الكل يعطيج ويه

اما مميزات الرشاقة لااتعد ولا تحصى رح اذكرهم لكم

اول شي

نفسيييييتج

صرت وااو .. وقمت احب الطلعات
واحب الكشخة
واحب البس واحب شكلي ..
والبيت البس اللي ابيه من شورتات وسوالف لأني واثقة من شكل جسمي
وتصير النظرة سبحان الله متفائلة للحياة

ثانيا
معاملة الناس وخصووووصا الزوج
والله قمت كل ماروح مكان الناس يطالعون
ولما ادخل المحلات اييون يبون يساعدوني بالاختيار

وزوجي تغير صوبي .. من الصوبين المعاملة النفسية والشيسموونه
قام يحب يطلعني وحتى لدرجة يختارلي الهدوم بالسوق

و الله مااخفي عليكم قام حتى لما يطلع بروحه ويرد البيت الاقيه ياييبلي قطعة هدوم
للبيت او قميص طلعة يقولي تخيلتج فيه عجبني ويبته @@

ثالثا

التعليقات

طبعا ماكو وحدة ماتحب الناس يعلقون عليها
ان كان اهل او مو اهل لووول
يعني الكل قام يقول لزوجي حراام ليش مرتك جذي وكلها وبسها ظعف وانا جذي

وشعور حلو لما تمشين وااثقة من جسمج انه عجيب
وعن نفسي احب امشي جدام اهل زوجي ويحاوطوني بنظرات الاعجاب
ويغارون حمواتي مني
>>>>لووول اهم شي

رابعا

اللياقة
حسيت صرت خفيفة .. حركاتي اسرع ومشيتي مشية غزاال لوول

وكنت اروح للممشى مع زوجي ونشوف منو يسبق الثاني
فكان يستاانس علي .. ونتحدى بعض بنفس الوقت

يعني باختصار حياتي الزوجية تغيرت

خامسا

بالمناسبات

اكون اول وحدة نازلة السوق ولا ابطل النت واطلب شي اجهزه للعيد
وان كان في عرس استاانس وافكر شنو البس وشلون اكشخ

باختصار .. تنطرين المناسبة على نار

وووووااايد وآآيد اشياء تخلي الوحدة نفسيتها افضل وحياتها للاحسن مع الرشاقة

ياننااااس لاتقولون ابالغ
ترا والله كل هذا حسيته وانا متينة
و والله كل هذا حسيته وانا رشيقة

وحبيت اكتب هالكلام عشان اشجع نفسي ..
واشجعكم معاي وخصوصا اللي ماعندها ارادة

وعن تجربة .. صدقوني
اول خطوة بس صعبة

ولا بعدين لما تشوف الوحدة النتايج على نفسها بروحها الارادة تصير اقوى والنفسية افضل

يدا بيـــد .. .لنوووصل لحلم الرشاآقــــــــة

ادعوولي انزل وزني