لكل من استخدمت بذرة الكتان للتنحيف

تغلينه اولا

ماتوقع يغلونها اهيه حبوب صغار كلش.. لازم تطحنينها بشي عشان تنفتح البذرة و تطلع العصاره.. اهيه تخفف من الكلسترول اللي بالدم و نفس النخاله تمشي البطن.. تقدرين تحطين شوي منها على الاكل مثلا مع السلطه او الروب.. و حتى في زيت بذرة الكتان….

نصيحه مني ابتعدي عنها

تخيلي انا اختي على كثر ماقرت عنها انها تضعف راحت لgnc وشرت الحبوب تجي حبوب بس داخلها زيت الكتان علشان تنحف

تخيلي فجاه انتفخت صارت لها خدود وزنود دبل وسببت لها حالة قلق

وحتى بذرة الكتان اللي تشترينها بالكيلو وتاكلينها مع السلطه مادري مع زبادي على قولتهم للتنحيف يقولك مو صحيح وكله عامل نفسي

والله اعلم

بصراحه انا استخدمتها ومشالله صج ضعفتني تقريبا اسبوع قعدت عليها تقريبا ثلاثه كيلو او اربعه مشالله لازم تاكلينها مع رجيم يعني مثلا روب وسلطه وشي مشوي عرفتي حطيها داخل الروب لازم تقرشينها يوم بيوم
اتحطين مقدار قفشه وحده كبيره بس وبليل تقدرين تشربينها اتحطين هم بذر الكتان قفشه مع جاي اخضر اتصفينها وتشربينها

ان شاء الله البنات يفيدونا اكثر بتجارهم

بصراحه انا استخدمتها وماطولت بس الدوره انقطعت شهرين ماجفتها

واايد يمدحونها بس ماجربتها