رجيم البنك بيري يضعفج باليوم 700 جرام ويمكن اكثر خاص ب @ الرسامة @

السلام عليكم ورحمة الله وبركاته

طبعا منو مايعرف البنك بيري

واااااااااااااااااي انا غرامي ومستعدة اكله ليل نهار
علشان جذيه قلت يالله خل اجرب هالرجيم

طبعا بعطيكم نبذة عن البنك بيري
مكانه بالكويت بالافنيوز والزحمة عليه مو طبيعية

اهو عبارة عن روب لو فات
وثلاث نكهات كلهم روعة
نكهة الروب الابيض
نكهة روب الرمان
نكهة الجاي الاخضر
ومعروف انه موجود بالعالم كله 50 فرع فقط
ونجوم الهوليوود دايم تلقونهم يتمشون وبايدهم علبة

واليكم الرجيم

طبعا خاص ب @ الرسامة @

الصبح على الريج
ماي دافي الى حار + نقاط من الليمون

الريوق
كوب ونص كورن فليكس النمر + حليب خالي الدسم

الغدا
نفس الريوق

المغرب
كوبين كورن فليكس بو عسل علبته حمرا

العشا
علبة بنك بيري الكبيرة مع اللي تبينه من الاضافات بس ابتعدي عن الكاكاو
انا احب المكس بين الابيض والاحمر واحط الاوريو والجرانولا مع البنك بيري والتوت

انا شخصيا اللي الفت هالرجيم
وفعلا حسيت اني ضعفت عليه
وكنت اتبع معاه يومين نظام دشتي
ويومين نظام الكورن فليكس
ويومين نظام البنك بيري

وهالانظمة اتبعها علشان ما امل واهد الرجيم

وادعولي بنات اضعف وانا بصحة لاني بعد ولادتي وصلت مرحلة خطيرة من المتن علشان جذيه لازم اضعف

@ الرسامة @