تجــــمع لتوديـــع الإكتئاب النفسي من السمنة

السلام عليكم شلونكم يا بنات يا حلوين

هالتجمع هذا حطيته عشان يصير تشجيع و منافسة بيناتنا

مانبي احباط و مانبي نبدي برجيم اسبوع بعدين نخربه

نبي ارادة قويه وتوديع السمنة و ظيقة الخلق اللي تيينا من اجسامنا

ترا شنو يعني الأكل و البلعه !!

الدنيا فيها وايد اشياء حلوه تونس غير الأكل و البلعة

خلونا نعيش شبابنا و عمرنا الحلو بأجسام رشيقه ، كل يوم يمر من عمرنا ماراح يرجع

مو معقوله نعيش كل العمر مكرشين و بس نشوف اجسام غيرنا و نتحسر على عمرنا !!

ملينا من كلمة يوم الاحد بنبدي

خلاااااااااااااااااااااص

من هاللحظة قولي ( أنا قــــــــــــدها ) و غيري مو أحسن مني

اللي توها بنت و ماتزوجت لازم تتشجع و تظعف عشان تتزوج و تعيش حياتها حلوة و تقول ( أنا قــــــــدها )

و اللي متزوجه لازم تقول بظعف عشان زوجي يشوف جسمي احلى جسم و اكشخ له باللي أبي و ماتفشل من متني و تقول ( أنا قـــــــــــــــدها )
و اللي توها والده و جسمها مظيق خلها و مؤرقها لازم تظعف و ترجع رشيقه و تعيش حياتها و تقول ( أنا قــــــــــــــدها )

قوليها و لاتترددين .. ترا الأيام تمر بغمضة عين و بعدنا بتحسين بوناسة مو طبيعيه و تقولين الحمد لله الحين أقدر ألبس اللي أشتهيه .. و محد يقولي متينه.. و كل شي تلبسينه حلو

كلنا بكلمة وحده نقول ( إحنـــــــــــــا قــــــــــــــــــــــدها )

————–

راح نبدي إن شالله في تاريخ ( 7-6- )
و راح نتبع رجيم المطوع إن شالله ، اهو خمس انظمة و بالبداية راح ناخذ أول نظام للرجيم و مدته اسبوعين
راح احط لكم النظام عشان يمديكم تشترون الاغراض و تزهبون نفسكم و راح تكون بدايتنا حلوه معاها منافسات تشجعنا ان شالله
أي وحده تبي تشارك معانا حياها الله بس نبي إلتزااااااام و إراااااااااااده
وو بالنهايه انتي الربحانه

————-
نظام رجيم المطوع لأول اسبوعين
————-

الافطار
7 تمرات أو 3 شابورة سمرة + حليب خالي الدسم

الضحى
عصير برتقال أو أناناس

الغدا
قبله كوب ماء

سلطة أي كمية (ملعقة وسط زيت زيتون )
+
2همبرجر مشوي
أو
علبة تونة بالماء
أو
صيخ مشوي أي نوع
أو
صدر دجاج مشوي
+
دايت أو ماء

المغرب
كاكاو وسط أي نوع + 1 فاكهه + شاي أو قهوة

العشاء
قبله كوب ماء

* سلطة ماكدونالدز + دايت (ملاحظة : الصلصة لايت)
أو
* روب خالي الدسم + خيار + 1 تفاحه + 1برتقالة
أو
* حليب خالي الدسم + 3 شابورة
أو
* ووبر دجاج من برجر كنج – هذا الخيار مرتين بالاسبوع –
ولكن بشروط (بدون مايونيز – شريحة جبن واحد فقط – ازالة قطعة الخبز السفلية)

————-

و راح يكون هذا التوقيع حقنا
اللي تبي تشارك تحط هذا التوقيع عندها عشان نعرف المشاركين و بيكون تشجيع لج

يلااااااا يا بنات منو بتشاااااااااااركناااااااااا