الحق لا تلحق رجييم مو صج من 15-6(انتهت المده!)

قوووووه
شلونكم انساات شلوونكم مدامات ؟؟؟
انا قررت اسوي رجيم من باجر تاريخ 15_6 لي مده شهر وابي احد يشاركني فيه لاني ماعرف اسوي رجيم بروحي انا كان وزني 85 وصار 63 من هالرجيم طبعا كانت اختي مشاركتني فيه بس اهي الحين موظفه وترد الساعه 3 يعني مو لاقيه احد يسوي وياي رجيم لانه باجي اهلي كلهم ضعاف وابي اكمل وابي احد يبدى ويااي الرجيم وايد حلوو وما يتعب صدقووني

اول شي توخرين عن (المشروبات الغازيه كلها ,الخبز,العيش,الحلويات,المقليات)
ثاني شي لا تنامين عقب العشى سيده او الغدى
ثالث شي كثري ماي ولا تشربين شي اثناء الوجبه علشان الكرش لا يزيد
رابع شي

الرجيم
الريوووق : قهوووه او جاي او حليب ويا كورن فلكس (فتنس )على حسب نفسيتج الصبح

الغدا : بحطلج شغلات وايد وانتي اختاري بس لا تكثرين :
يعني في تونا في سلطات في ديااي مشوي ودياي بالفرن وفي ستيكات وفي مرتديلا وديج رومي تقدرين تسوين خلطات بالنار دياي ويا خضره وفي خضار سوتيه وحتى الديااي اللي بالمرق تقدرين تاكلين منه بس بدوون عيش او خبز بعد تقدرين تاكلين وخضره وفواكه .
واذا ما تقدرين تستغنين المقليات في الناجتس في اللي بماكدونالدز 9 حبات فيهم 400 كالووري واذا طلبتي اقل راح يقل الكالوري
وهم تقدرين تاكلين همبرجر مشوي او تحطين وياه زيت زيتوون وتقدرين تسوين اللي تبينه بزيت الزيتون (لانه يساعد على سرعه عمليه الهضم ).

وتقدرين تاكلين اومليت بالخضره .
وعقب الاكل بنص ساعه او ربع ساعه تشربين اللي تبينه بس وخري المشروبات الغازيه ومشروبات الطاقه
(عصاير فلوريدا -تروبيكانا- لبن اكتيفيا ) وااايد زينين حق الهضم (وخروا عن المنجا والموز )
وبعدين عقب الاكل بساعه او ساعتين مشي 20 دقيقه ورياضه 20 دقيقه ومعده كثر ما تقدروون

والعشىىى : تخف شي عندج لو بسكوووته وحده
او رووب او حليب خالي الدسم او تفااح

والله رجيمي سمبتيك
واللي راااح يشاركووووني راح انحدد ويا بعض اليووم الفريي

وزني :63
طولي 159
الوزن المطلووب 55 او 54

تحياااااااااااااااااتي :شوارفسكيه حمره