يومياتـــي بالصــور ولمدة شهــر 06 لـ 07

السلام عليكم ورحمــه الله وبركــاتهـــ

شحآآآلكم يالرشيقات عساكم بخييييير

بصراحة عيبتني الأجوآآء هني كلها حماس وجيه قلت ببركن وبآخذ لي سبيس اكتب فيه يوميــآتي بما إني كنت متينة وعانيت الامرين لين وصلت للوزن اللي أنا فيه الحين بس بعد بستمر عقولتهم ذهب الكثير ولم يبقى الا القليل

* معلومــاتي :

الاسم : فوالـــه
العمــر : 20 سنة
وزنــي قبل الريجيمات : 69 او 68 هالحدود
الوزن الحــالي : 50.7
الطــول : 150 :$ قصيرة والله يعين

ادري بتقولون وزنج مثالي ومايحتاي ريجيم ومن هالكلام بسس انا حاليا ف فترة تثبيت ولازم اركز ع الرياضة و ف هالفترة بالتحديد لاني برجع لنمط الحياة العادي ان شاءالله قريب
سوو بليز أبيكم تساندوني لاني وايد اخورها مرات لاني وايد ضعيفة جدام السويتات خخخ

عموما هدفــي من الموضوع اني اركز ع الرياضة اولاً وبشد على هالشي لان فيني اشيا لازم تتغير :

1) فيني كررش << باط جبدي واقف بالنص مادري شحقه لوول
2) الافخاذ يبيلها شد ومافيه شي يشدها الا الرياضة والجري
3) ابي يكووون لي خصر حلوو هو بصراحة فيني خصر بس بعد ابي اكثر
2) ابي اصير آكتيف اكثر وآبي جسمــي يكون رياضي مع تنــاسق

ان شاءالله هالاشيا كلها بحققها

* نــظامي :
أنا حاليا أمشي على ريجيم بروتيني قليل السعرات والكاربوهيدرات

الكاربوهيدرات بزيدها تدريجياً عقب بثبتها
طبعاً هالكلام تحت اشراف الدكتور الي اتابع وياه مب من عندي
وعندي ميزان مرة كل اسبوع

والرياضة بزيدها ان شاءالله بحاول اكون اكتف اكثر وهذا هو هدفي الاكبر

انا باديــة ريجيمات من زمان بس غلطي الوحيد ان ما اسوي رياضة وايد وانزل ببطئ شديد خخخ انا اعرف اني لو زدت الرياضة بضعف بسرعة بس اتعايز والله

الموهييم بعتبر اليوم أول يوم وان شاءالله التزم

{ اليوم الأول : 07-06- }

ريــوقي :
للاسف نسيت ماصورته كان عندي مشوار مستعجل

تريقت 2 شريحة توست اسمر
+ شريحة جبن قليل الدسم
+ نسكافيه بحليب منزوع الدسم والسكراستخدمت كاندريل

الغــدا :

سلطــة فوآكـه (العنب ماكليته)

ولبن 200 مل

العــشا :

2 بيضة مفــورة + جــاي أخضر

وايد طوفت وجبات >_____<
المفروض سناكي الاول يكون حبة فاكهة وسناكي الثاني حبة خضار بس رقدت والغدا المفروض يكون مشاوي مب فواكه!!

الرياضة كان شي خفيف>< سويت تمارين متفرقة ورقصت شوي بسس

الماي : 2 لتر العادة اشرب 2 ونص ولا 3 بس اليوم كنت شوي بزي

ان شاءالله باجــر يكون أحســن

برررب :>