جهاز الاوربت تراك

هلا حبوبه انا شريت الاوربت تراك بس ما كنت استخدمه لانه يتعب وماكو شي يشجع

بس لما رحت نادي شفت الكل يستخدمه وصرت معاهم

والله الكل يقولي يضعف حيييل

حبيبتى عادى انتى لعبى عليه نص ساعه كل يوم اذا تقدرين وممكن توزعين النص ساعه مرتين باليوم يعنى ربع ساعه مرتين باليوم ترى كافيه مع شوى تنظيم اكل او ريجيم بعد احسن وانا اللى عرفته من مدرب رياضه كان يدرب ولدى انه اللعب على هذا الجهاز ربع ساعه تساوى اللعب على جهاز الجرى نص ساعه لانه يحرك الجسم كله

انا عندى الجهاز اهو صج يعور الركب بس مع الاستمرار يروح العوار

وترى الجهاز صج يضعف ويشد كل الجسم بعد

ان شاءالله تضعفين عليه والكليسترول ترى يبيله تخفيف اكل او تنظيمه مع رياضه انتى تراجعين دكتوره عليه والا لأ ؟؟ ترى ضرورى تراجعين .

انا براى اوربت تراك اهو احسن لان الغزال صعب انج تتحركين فيه ويتعب اكثر
بس الاوربت تراك مثل القارى تقعدين اذا تعبتى او توقفين وتحريكه برجلج وايد اسهل

الاوربتراك رووووعة ابداي ب 5 دقائق فقط وكل يوم زيدي 5 دقائق بتتعودي عليه

ونتايجه رائعة للي تستمر عليه

مشكوووووووووووووورين بنات وماقصرتوا

احــــــــــــــــــــــــــــــبـــــــــــــــــ ـكم وايــــــــــــــــــــــــــــــد

شوفي اهو الجهاز عجيب و يضعف بس بصراحه يتعب انصحج بالاول تجربينه و بعدها قرري اذا تشترينه

و بالنسبة لسعرة اسفة ما عندي فكرة

حبيبتى ام بنتها

الجهاز شريته حوالى 37 او 39 والله نسيت شريته من فناتك اللى بالسالميه وترى فى منه نوعين نوع 2بذراع ونوع ب4 اذرع وهو اللى احسن بالنسبه لى تكون 2 ثابته حق اذا بتقعدين و2 متحركه حق اذا لعبتى واقفه يسمونه المطور

والجهاز صح يتعب بس اول مره بس لان جسمج ما فيه لياقه بعده لكن بعدين بيصير عندج وايد سهل
وانتى تقدرين تتحكمين بقوة حركته بعداد موجود فيه وابدى فيه بالتدريج يعنى شوى شوى وكل ما تعبتى قعدى ليما يتعود جسمج
والنتيجه ترى صج ممتازه وترى يحرق اكثر من جهاز المشى وهذا كلام مدربين واخصائية تغذيه مو منى انا

وبالتوفيق