بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات
تعرفون النادي اللي بالسفير
في وحده منكم دشته
امانه اللي دشته تقولي شلونه؟؟
زين ؟؟
تنصحني اشترك فيه؟؟
بنات
تعرفون النادي اللي بالسفير
في وحده منكم دشته
امانه اللي دشته تقولي شلونه؟؟
زين ؟؟
تنصحني اشترك فيه؟؟
اضم صوتي لج بنات عفية ردوو
تصدقين احنا اللي بمناطقنا ماعندنا سوالف نفس تشامبيز وكل وحدة فينا تحاتي الطريج وينهم سيدات الاعمال فتحووو نادي لنا وغلو الاشتراكات بدال الكراون بلازا كله مختلط ونقط اشتراك سنوي على ما ميش
سوري فرصة افضفض خخخخخخخخخخخخ
يسلمو نوفة عسى احد يعبرنا *_^
أقــــل مـــن العـــادي
يعني اشتراكه 30 دينار بالشهر على قده..
الأجهزه شويه والصاله صغيره ويوم فيه مدربه ويوم مافي..
اللي تبي تحافظ على جسمها تروح..
أنا ابي أحافظ على جسمي واشتركت فيه عشان امشي وعشان جهاز الغزال فقط
يعني ما أطول فوق الساعه
وانا كنت مشتركه بأيام الدوامات يعني قبل إجازه الصيف
وكان مزدحم نوعا ما
بس الحين بالصيف أتوقف بينبط
أتوقع متروس …. مالج محط ريل
وبعدين اهوا شوي مقموت
يعني لما يلعبون سويدي تشمين ريحه عرق وأنتي تمشين على الجهاز..
بس على قد فلوسه حبيبتي
30 يعني 30
لا تتوقعين مستواه 5 نجوم
وبعدين تلاقين فيه ناس أشكال وألوان
بليز أفيدووني
والله زحمة موووووووت بالصيف وماعندهم الا صالة وحدة للسويدي تخيلي العضوااااات يم بعض
الجتف يم الجتف
ماتقدرين حتى تتمرنين الا كافخة او داعمة واحدة سواء اكانت على يمينج او يسارج او ورارج او جدامج
والالات ينعدون على الاصابع وسنة على ما اتخلص اللي قبلج وتاخذين مكانها على الالة
والتلفونات بو كاميرااااا منتشرة بكل مكااااااااان
ومافي لوكرااااات (من سبق لبق ) لازم تنطرين عشر دقايق او ربع ساعة على ماتطلع وحدة علشان تاخذين مفتاح اللوكر مالها !!
كله صوب والمدربات صوووب التمارين نفسها تنعاد مليووون مرة
والمكااااان ضيج وازعااااااااج والعالم اهناكـ كله سواااالف ولاب توب ويلعبون بالاستريو اللي بالصالة !!!!
اوووووف الصراحة
وقسما بالله لاعت جبدي الحمد الله اني كنت مشتركة بس شهر !!
بليز أفيدووني
عندهم حوض سباحة !!
30 دينار تشمل كل شي بس اذا بغيتي (تعليم سباحة) تدفعين فوق 30 دينار
بس خوفتوني
عاد أدور نادي سباحه قريب ومومحصله
والله ماادري وين اروح
ماكو نوادي سنعه عندنا بالمنطقه
وانا ماخذه صيفي لو معطله كنت اشتركت بنادي من النوادي السنعه
بس مايمديني ارد البيت الساعه 5 متى ابدل واروح النادي
كنت مشتركه بالرشاقه بخيطان بس خايس لاعت جبدي
ماادري وين اروح
جهاز مشي
قاري
حمام سباحه
الغزال
جهاز شد الفخوذ
ايروبك
انا اشتركت فيه شسوي لاني ماسوق وقريب علي يعني اي احد من اخواني يقطوني بدون تذمر 😛
ومرات يكون زحمه الحين لان عطله بس يصير فاضي على حزه الغدى لان في وايد حريم كبار طبعا يروحون يسون غداهم
يعني من 12 يكون خفيف
يوم اليمعه ماييون وايد لان زوارات
في 3+حصه اكوا (تمارين بالماي) حصص ايروبكس باليوم …واليمعه ماكو مدربات off
حصه الاكوا من 6-7 بليل يعني تمشين تخلصين تسوين تمارين اخر شي تسوين تمارين بالماي سبحي وردي بيتكم
انا موعاجبني المستوى بس مابي اتشرط ومحد يوديني …وبضعف
اول شي مثل ما قالت وحدة من الخوات صغير و مافيه تهويه وريحه الله يعينج وخاصه اذا زحمه
ثاني شي مدربات ماكو الا وحدة ومثل ما قالوا التدريب ينعاد مليون مرة كل يوم نفس الحركات
وفي حمام سباحه و في جاكوزي و في سونا بس للامانه ما جازفت لان النظافه قمه هناك تخليج تشجعين تجربين لووووووووووووووووول
يعني 30 دينار ترى وااايد عليه ما يسوى 30
اللي مشتركه بالنادي تعطينا تفاصيل