My Living Room Black & White In Riyadh

شي حلو بس ابي اذكر نقطه بكل مكان تشوفين وايرات اخذي الوصله وحطيها بالبلاك الرئيسي وحطيها بالارض بعدين ركبي عليها كل ابلاكاتج ارتب واحلى علشان لاتصير الغرفه كلها بلاكات خصوصا ان بلاكات الشقه كلها معلقه فوق

ماشالله حلوه و مرتبه و الاسود و الابيض قمة الأناقه… لكن عندي ملاحظات أتمنى تتقبلينها و ما تتضايقين… و بالنهايه الناس أذواق..

أولا أفضل انج تضيفين لون ثالث يفتح النفس و يكسر الجمود مثلا الاحمر او الفوشي او البنفسجي الماكنتوشي و ممكن الأزرق او البرتقالي.. و بعد الاصفر يعطي ستايل مودرن و روووووح للمكان.. او درجات الاخضر مع نباتات و زروعات صغيره بالزوايا..او انج تكثرين من السلفر.. ثانيا: بعد ما تختارين اللون الثالث.. بلشي تضيفين منه الاكسسوارات مثل الشموع اللي ما شفتها عندج… و الثرو اللي حاطته اسود و مو مبين على الكنبه.. فأفضل ثرو بلون قوي..

جدا حبيت الزوليه و الكوشيه البراقه.. لكن ما حبيت بعض اللوحات.. و لا الوايرات و لا مفرش الطاوله اللي بالنص ابدا… شكله واقف مثل قطعة كرتونه او خام يابس مثل الجوخ.. لو تستخدمين خام انعم للمفرش يكون احسن.. مثل الاورغانزا و الشيفون او الدانتيل او التفته.. و بعد البراويز الصغار اللي فيهم صور البيبي على الأرفف ما حبيت لونهم الخشبي… لو يكونون سلفر او اي لون ثالث جديد من اللي ذكرتهم لج يطلع احلا..

ااااااااسفه وووااااااااايد كتبت ملاحظات.. لكن لأن غرفتي اثاثها ابيض و اسود و عندي اشياء مثل اغراضج من ايكيا حبيت انصحج لأني جربت هاللونين مع بعض و اعرف احساس انج تقعدين بينهم فتره طويله.. بروحهم مع الوقت يضايقون و يقمتون.. فضفت عليهم الاحمر و السلفر… طلع وووووواااااااااووو ..جربي تغيرين مع الوقت و عليج بالعافيه..