بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلونكم خواتي المغتربات
يا ريت كل وحده تحط لنا تجاربها ويا الطباخ بالغربة
يعني شلون تتأقلمين مع الموجود؟ وشلون تطبخين بسرعة ؟
سمعت جدر الضغط يخلص الاكل بسرعة (الدياي، اللحم) شلون في احد يستخدمه يا ريت تفيدونا 
بانتظاااااااااركم حبيباتي
السلام عليكم
شلونكم خواتي المغتربات
يا ريت كل وحده تحط لنا تجاربها ويا الطباخ بالغربة
يعني شلون تتأقلمين مع الموجود؟ وشلون تطبخين بسرعة ؟
سمعت جدر الضغط يخلص الاكل بسرعة (الدياي، اللحم) شلون في احد يستخدمه يا ريت تفيدونا
بانتظاااااااااركم حبيباتي
والله الدياى كنا ناخذه ما المسيد واللحم الرياييل يروحون يذبحون واييبونه لنا
وكنت اطبخ مره وحده اهو غدا وعشا
والسمك موجود بس مو وايد كان نادر اكثر شى الدياى
الله يردج سالمه
والله انا اطبخ الغدا و اطبخ حق العشا
و عادي تعودت عالطباخ اصلا ما تعلمت الطباخ الا من الغربه
و اسهل شي المموش و مرق العدس لانهم بدون يدام بس الربيان سهاله اشتريه المطبوخ الخالص بس انا عاد لما اطبخه احط عليه البهارات
و العشا اسوي خفايف
اشتري خبز التورتيلا يصير جنه صاج و احشيه و ادخله الفرن
احط معاه حشوه البيتزا و اسكرها من الاكطراف و ادخلها الفرن عشان الجبن يسيح
و هم بعد الصمون المدور احشيه و اسوي في فناتك
يعني العشا كله صمون و خفايف ما تاخذ مني وقت
بس الغدا لا والله اطبخ
بس الجدر اوالله ما جربته
وحق الطباخ البيتي اسوي حمسة هوت دوق و دياي بالفرن اكون متبلته من الصبح .. عيش طماط هذي الأشياء الخفيفة
وسوالف مرق ومجابيس اخليها بالوكند
ويا ريت اللي عندها تجارب بعد تفيبدنا
انا كنت اسوي الريوق والغدا والعشا وبعد اسوي للي معانا بالمستشفى يعني اتنقص لهم واحسن شي ومن تجربة اخت مالج الا الجدر الكهربائي حق العيش انا اطبخ فيه كل شي واخليه ع الwarm ومتى مارجعنا للبيت اكلنا
وصدقيني حتى الشبزي طبختها عادي لتخلين لغربه صعبه عليج انا لما كنت اطبخ اتذكر الكويت واحس بحنين وشوق لهم
وبعد رمضت هناك تخيلي تمشين والا ريحت الخبز والمطاعم والناس تاكل ومتى يأذن المغرب ؟؟؟ كله بأجره ان شاء الله
الله لايطول عليج غربتج