ديروو بالكم من الخدم!!! قصه خدامتنا

السلاام عليكم شلوونكم
بنات بكتب لكم سالفه صارت لنا من يومين .. طبعا الكل راح يستغرب بس صج شي يخرع ويصدم..
الله يسلمكم من 4 شهور ونص بالضبط يبنا خدامه سيلانيه صغيره مواليد 80
المهم ما عندنا تليفون بيت وكل مانقولها تبين تكلمين اهلج تقول لا.. واحنا ما نطلعها بره البيت ولا حتى تروح الفرع..وغرفتها صايره داخل البيت مو بره..لاحظنا انها تاكل واااااااايد يشكل مو طبيعي كل شي تخمه وتبلعه وامتنت وايد وكرشتها صارت شكبرها..قبل جم شهر مرضت ترجيع تكرمون وبطنها..ودتها امي الطبيب قال لها هذي نزله معويه حاده..عطاها ادويه وجذي وطابت..احنا قلنا مو شايفه خير من البلعه خايفه لا يخلص اكل البيت

المهم قبل جم يوم كل ما تمر جدامي اقولها انتي شكبر بطنج في بيبي على ضحك واهي تضحك وتقولي لا انا لابسه ملابس وايد..واهي كانت عصله من يت لنا الحين شمتنها..قالت انا بالسيلان كنت متينه والحين ملابسي ما يصيرون كبري ماتستحي..
قبل يومين قاعده تصارخ وتصيح من بطنها قلنا يمكن الدوره عطيتها مسكن وماكو فايده خليناها قلنا يمكن ماكله وايد وبطنها قام يعورها…لي بليل واهي تون وما بقى احد ما يسمعها وتصارخ.. امي ودتها مستوصفنا واهي بالسياره تقول ابي حمااااااااام تكرمون..اول مانزلت من السياره راحت حمام المستوصف وامي ناطرتها تقول بعد مده طلعت تقول مافي عوار اطلعت مرتااحه..امي شكت بالموضوع لانها شافت دم تكرمون بالارض ومثل مخاط.. دشت على الدكتور وشرحتله امي قال لها بعطيها ابره مسكن..امي قالت له انا شفت جذي وجذي بالارض قالها خلاص اعطيها تحويل المستشفى عشان يسوون تحاليل وجذي..الساعه صارت2 الفجر امي ردت معاها.. ونامت..الصبح ودتها المستشفى سوولها تحاليل وسونار..ساعه

ساعتين ما طلع شنو فيها..بعدين المغرب امي ملت من قعده المستشفى راحت تسأل قالو لها هذي حكايتها حكايه روحي الطابق الفلاني وشوفي..راحت امي لقت شرطي واقف وسألته والمفااااجأه اللي محد متوقعها قال لها الشرطي هذي مسويه اجهاااااااااااااض.. والمشيمه باقيه فيها..امي انصدمت شلون ومتى ووين؟؟
قالت هذا من السيلان..!! انزين شلون قبل الفحص الطبي ما قالو شي..؟
حولوها مستشفى الصباح وحجز وكتبو قضيه..وقالو حق امي ندق عليكم
وللحين احنا منصدمين ومو عارفين شالسالفه
صج هالخدم يخرعووووون.رحنا نفتش بدارها لقينا حبوب تساعد على الاجهاض.. واخوي وداها الصيدلي قاله في نوع من الحبوب ممنوعه شلون ماخذتها.؟ وحبوب ثانيه تنظم الدوره وياخذونها اكثر البنات حق الحج وجذي..
. قلنا يمكن عامل من العمال استغفر الله..قلنا يمكن سايق الجيران..بس للحين ماندري شالسالفه..ننطر وبقول لكم اخر الاخبار؟؟