ضغطى ارتفع من هالخدامه ساعدونى

السلام عليكم

محلله يا خدامتنا القديمه صج نيباليه وعمرها 23 بس هاديه وتشتغل بسكات ليت كل الخدامات مثلج

جبنا خدامه نيباليه حسبي الله عليهم المكتب بالجواز عمرها 23 وطلع بالصج عمرها 15 سنه

جبناها باخر شهر 1

المهم البيت مافى يهال انا وابوى وامى واختى الكبيره متزوجه وببيتها

وطبخ احنا مانخلى خدم يطبخون الغدا على اختى تدزه لنا وباقى اليوم على انا

عليها بس غسيل ملابس وكوى وتنظيف

جنننتنى ما تقعد الا اذا انا قعدتها مع انى محدده المنبه لها 6 الصبح ايام العطل ما تقعد للساعه 11 والا 12 اللى يقعد اول واحد يقعدها اى اضحكوا

مسح الارضيات ما ترفع الزوالى ولا تخم الارض تبلل المخمه بماى وتمشيها على الارضيات على بو غسلت الارضيه مع انى معلمتها طريقه التنظيف والخلطه اللى تحطها بس طحت عليها تسوى جذي وانا قبل اقول لامى يمه الارضيات وسخه تقولى لا لا انا شايفتها تخمهم وتمسح ليما طحت عليها

غسيل مواعين ماتغسل عدل اخليها تعيد الغسيل بس هم ماتنظف عدل ما تعطى من حيلها

ملابس قمت انا اغسل الملابسى انا وامى وابوى

كوى اول مايت يهبل كويها بعدين قامت تحرق بهالملابس

ابى اوديها المكتب امى مو راضيه تقول حرام هذى ياهل تقعد عندنا احسن اخاف تروح عند ناس ما خافون الله فيها
كل ما هاوشتها على الشغل تروح تبجبج لامى

وامى تخانقنى انتى عصبيه مع الخدامات شسوى يعنى تبينى انا اخدمها

زين شنو اسوى انا فيها مهما اعلم واهاوش واحاول اعاملها بالتى هى احسن ماكو فايده لا حياه لمن تنادى

اذا ما وقفت على راسها واشوف بعينى شنو تسوى وهم اساعدها ما تشتغل بذمه وضمير

ياربى دايما ارد من الجامعه القاها قاعده على تلفزيون مع امى لا كاويه ملابس ولا منظفه شي

اقول لامى قوليلها تقوم تنظف تكوى تقولى اقولها تروح وترد احسبها نظفت

بمعنى اصح جننننتنى مهما اقول واعلم فيها ماكو فايده

مدرى شسوى ما ابى اكسر كلام امى بس صحتى الزم على جد استخفيت وقعدت منها وفوق هذا مانى مرتاحه لها قلبي ناغزنى منها ليش مدرى من الله مو مرتاحه
والله انها تعرف كل شي وتفهم حتى عربى بس تستهبل يعنى كذا مره تقط كم كلمه كويتيه قح اشعرفها ؟؟؟؟؟

وفوق هذا تحب تطلع برا البيت وتقرقر مع الخدامات برا مع انى نهيتها كذا مره بس ماش جننتنى

اطلع الصبح اروح الجامعه ما اقدر اجابلها فتره الصبح واختى دوام وبيت وريل وامى مره مريضه ما تقدر حتى الماى تجيبه لنفسها والوالد دوام

شوروا علي الله يجزاكم خير شوروا على ترانى بستخف

الخدامه عقدتنى