امي تغسل الفواكه والخضار بسائل فيري لغسيل الصحون وانا مثلها هالشي صح ولا لا؟؟؟

شلووونكم ربااات البيووت وخااصة اللي ليحين مو محصلين خداامة مثلي وقعد تكرف بالبيت قربت استخف بين اليهال وشغل البيت

المهم بنااات امس وانا اغسل الفاكهه طبعا طريقتي تعلمتها من امي ان اغسل الفاكهه والخضرة بسائل غسيل المواعين طبعا ملاحظة ان احنا فينا وسوااااس نظافة بشكل مووطبيعي من جذي مافي خدامة تتحمل تقعد عندي لاني ماتحمل وصاختهم واهما مايتحملون يصيرون نظاف مالت عليهم

المهم وانا اغسل امس واحط الصابون قمت افكر الحين بالله هالشي صحي؟؟ يعني هذا صنعوه حق غسيل المواعين وعلى قولتهم القضاء عالدهون وانا قعد اغسل فيه الفواكه؟ طبعا توني بعد الف سنه افكر بهالشي هههه بالليل رحت بيت امي والكل قاعد جان اقولها يماا شلون يعني نغسل بالصابون مال المواعين الفواكه والخضرة شدراج ان زين؟؟

عاد ابوي واخوي بطلوا حلجهم قالوا شنووو؟؟ انا لا تعليق جان ابوي يفر راسه على امي يقولها صج هالكلاام؟؟ امي قالتله الحين متزوجي ثلاثين سنة ماصار فيك شي لاتحاتي ابوي قال انا معاي المعدة هذا اكيد من هالصابون ههه مسكين واخوي انصدم قالوا موزين شلون جذي يعني 30 سنة واحنا ناكل صابوون انا هني اخترعت قلت وييي جنه صج السالفة!!

قلت ماكو الا كويتيات اسئلهم شرايكم بالموضوع وانتوا بشنوو تغسلون فاكهتكم وخضرتكم؟؟