خواتي ديروا بالكم من مكاتب الخدم هدا اللي قاعد يصير ورانا

السلام عليكم ورحمه الله وبركاته

حبايبي حبيت اطرح تجربتي لافيدكم وما ابي منكم الا دعوة حلوة

صارلي كم يوم متبهدله ادور بين هالمكاتب ادور خادمه
جان اخد وحده مسترجعة قلت اجربها عل وعسا فجأة نادتها الخمه اللي لابسه عبايه وبف وقامت ترطن عليها استغربت

عقب ما ركبت السيارة سألتها شبهو تقول ها دي جان تقول مافيه شي ماما سكت
رحنا البيت عرفتها على الشغل قعدت عندي حوالي اربعة ايام

اليوم الرابع دورتها ما لقيتها اثاريها هربت للمكتب لحقتها قلت للخمه اللي حاطة نفسها سكرتيرة
اشفيها ليش احاشت ما تبينا مو لازم احنا اللي نرجعها
جان تهد علي لسانها انت ما فيه حرااام انت سويتي وانت سويتي انا يودي مخفر
بسم الله على بالي الحكي مو لي انا طاع مني كل هدا في اربع ايام
وانت من تكونين تطولين لسانج علي (واعطيها من الكلام اللي عرفتها اصلها)
والايدخل صاحب المكتب جان اقول زين الله فرجها
الا الاخ يصفط مع الحقيرة اللي مسويه نفسها سكرتيرة
ومن قهري رحت شكيت عليهم عند العماله اللي في بيان بس ما يبي يحضر الاخ كله مسافر او مسكر تلفونه
حبيباتي
اكتشفت عده امور فظيعة من هالسالفة
1- السكرتيرات اللي عندهم اكثرهم ما عندهم اقامات علشان جدي يتخون بالنقاب
2- اخوانا الكويتيين يأجرون طاولات على الهنود كل طاوله ياخد بالشهر 400-500دينار
3- يتعمدون يخربون الخدامات علشان يستفيدون من اقامتها اطول مده ممكنه ويأجرونها على البيوت على 120-140 بصفه مؤقته
4- الطامه الكبرى ان الجهة المسؤلة عنهم في بيان مالهاعندهم اي خوف لانها ما تقدر تسوي شيونصيحه اخيرة وانا اللي اخدت منهم مكاتب الفحيحيل هالخمه اللي كل وحده حاطة نقاب وشوارفسكي وتطول لسانها علينا لاتعطونهم فرصة تغدوا فيهم قبل لا تيعشون فيكم