ايش الفرق بين المبثوث والمعجون والمعمول والبخور

اللي أعرفة ان الفرق بينهم ان المعجون والمسقي والمعمول والمبثوث
كلها صناعة بشرية سواء صناعة بيوت والا مصانع والطبيعة مالها دخل فيها لامن شرق ولامن غرب

وتختلف على حسب مزاج اللي صنعها وذوقة ومعرفتة بكيميائية كل مادة يستعملها لهالغرض وضميرة بعد
ودهونها جاية من أنواع ثانية تنضاف لها مثل دهن ورد عود صندل زيوت فرنسية الخ
المبثوث كوصف يجي جاف مطحون كأنة بودر
المعجون من اسمة فتكون الكمية تقريبا متساوية بموادة الجافة والزيتية فيصير القوام معجون
/ المعمول أششكال وانواع هرمي دواير مربعات وبعضة كسرات عود ينقعونها بكمية زيوت الخ
أما البخور الطبيعي يجي مثل ماهو ماعلية اضافات من لون و عطريات
بس حاليا الصناعي كثر وصاروا يقصصونة بأشكال حلوة مشرشر ومدبب وهذا بقايا البخور الأصلي أو بقايا البقايا بشوية اضافات
الاستعمال مثل ماقلتي كلهم نفس الطريقة بس تختارين الشي اللي يعجبج وتستعملينة شي للبيت وشي للملابس وشي للمناسبات وكلة حسب تقييمج له من ناحية الحلاوة والثبات والمزاج
وفالج طيب