بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلوونكم بنات
كثرت المشاكل مع الخدم
و كثرت التساؤلات حول اذا كانت طرقنا المتبعة معاهم صحيحة ام لا
ما هو اسلوب التعامل الامثل ؟؟
ماهي حقوقنا و ماهي حقوقهم
هذا الموضوع
يختص بمناقشة اليوميات و المشاكل اليومية او الطارئة
لسبب واحد
ورانا رمضان
و نبي خدمنا يبقون لي بعد رمضان
و يعمرون ويانا مو اقل من سنتين
شنو تساؤلاتج
وشنو تقدمين لغيرج من حلووول
طبعا
اتمنى من الاخت الراقية و المميزة بحلوولها
ام الدرر
بانها اتطل على موضوعنا يوميا … لاجل الاخذ بايديينا و اطرائنا ببعض من نصايحها المفيدة
ولا هانو باقي البنات
كل يووم طلوو على الموضوع
و عطوونا ارااءكم
….
السلام عليكم
شلوونكم بنات
كثرت المشاكل مع الخدم
و كثرت التساؤلات حول اذا كانت طرقنا المتبعة معاهم صحيحة ام لا
ما هو اسلوب التعامل الامثل ؟؟
ماهي حقوقنا و ماهي حقوقهم
هذا الموضوع
يختص بمناقشة اليوميات و المشاكل اليومية او الطارئة
لسبب واحد
ورانا رمضان
و نبي خدمنا يبقون لي بعد رمضان
و يعمرون ويانا مو اقل من سنتين
شنو تساؤلاتج
وشنو تقدمين لغيرج من حلووول
طبعا
اتمنى من الاخت الراقية و المميزة بحلوولها
ام الدرر
بانها اتطل على موضوعنا يوميا … لاجل الاخذ بايديينا و اطرائنا ببعض من نصايحها المفيدة
ولا هانو باقي البنات
كل يووم طلوو على الموضوع
و عطوونا ارااءكم
….
والصراحه كنت اول مااعرفلهم
الاندونيسيه تحقد
والسيلانيه طيبه بس قرقه اشوي وتقعد عل القنفه وتسولف معاج
واخر شي وصلت اني اعاملهم بما يرضي الله
احتياجاتها البسيطه انا اوفرها واذا بغت تكشخ وتتشرط من فلوسها
واحسن معامله للخدم مثل المدير والموظف مافي مجاملات يعني الشغل شغل
ومايمنع الابتسامه كصدقه وماادخل بشؤؤنها ولااهي تتدخل يعني اعمل حاااجز
لاني جربت الطيبه مانفعت الاهالطريقه
مشكوووره بوبا
وفعلا احسن علاقة المدير و الموظف
ولا مانع من بعض الابتسامة
نورتي موضوعي شاادن و طلي علينا
يعجبني راااايج
اخجلتم تواضعنا
والموضوع فعلا مفيد
وخاصة للبنات اللي توهم متزوجين
لان تعاملج مع الخدامة في بيت اهلج
بس تبين شغلج زاهب من ملابس واكل
والوالدة عليها التعامل
غير لما تكونين انتي المعزبة اللي تعطي اوامر وتامر وتنهي
بوبا ذكرتي نقطة انا توني هالسنه فكرت فيها
ليش الخدم ما يضلون اكثر من سنتين
يعني على عهد امهاتنا واهلنا تشوفين الخدم وخاصة الهنود يتزوجون عند معزبينهم
ويعيلون وعيالهم يشتغلون بنفس البيت
انا عندي الفليبنية لها 6 سنين افكر اذا ملت وتبي تروح شسوي
والثانية اللي وياها الله يعيني عليها اثيوبية لها 6 شهور للحين ماتفهم وشغلها مو نظيف واحسها عينها بكل شي
احيان اعصب عليها واشد بالكلام ودي تزعل تنطقر تقول ودوني مكتب
بس لازقة
افكر اييب لي هندية يديدة بقراطيسها عشان تظل معاي سنين لاني تعبت من الطباخ
اذكر عند اهلي الخدامة تظل اكثر من 4 سنيين
و خالتي اسم الله اللي مربية ريلي و حمواتي للحين عندهم و للحين اتحن عليهم و اتدير بالها على عيالنا تخيلي
الحيين لاا
حتى اللي اتيبيهم خالتي ما يظلون سنتين
سنة و نص و اتقولج بسافر موتت واحد من اهلها و اتصيح ردووني ديرتي ههه
و نفس الشي عند امي
غريبة ؟؟؟
نورتي ام الدرر
ام يوووسف الله يعيينا على الخدم
انا لو بايدي اتنازل عنهم جان اوكي
عزائي الوحييد اني ماخلييها بروحها ويا بناتي
بعد ماعوتديها على الطباخ والنظافه تسفرينها ،،، يمديج تفهمين خدامه جديده على نظامج وترتيبج ؟
—
لا صح كلامها
الخدامة احسن وقت لها بس سنتين
اذا طولت تبدي اتمووق جنه اهي صاحبة البيت و الحلال و العيال
واايد اشووفهم من حوالينا تخترب عدل بعد سنتين