مواعين البيت ( المكان + السعر + الصور )

السلام عليكم

بما ان وايد بنات متهوقين بالمواعين ويبون مواعين فنتك

سواء للرمضان ولا للضيافه ولا العيد فحبيت انزل لكم

هالموضوع لان انا من عشاق المواعين ودايما اشتري وكل

يوم بحط لكم شي جديد وطبعا بحط الصور والسعر والمكان

وياريت كل وحده عندها ماعون فنتك او شي جديد تصوره

وتحطه

اول شي ببدي بواعين سوق المشايخ اللي يم مجمع البيرق

طبعا خذيت منهم طقم هالمواعين مع طقم ملاعق وشوك وسكاكين نفس اللون وطبعا السعر عليهم

وخذيت صواني ستيل مع الغطا للمجابيس والعيوش واحد مدور واحد طوالي المدور سعره 10.750 والطوالي ب7 وانا خذيت الحجم الوسط من الطوالي والمدور الحجم الكبير

وخذيت طقم هالصواني عجبني وخذيته

وخذيت طقم صواني فخار للفرن

وخذيت بعد هالصحون حق النقصه وغوري هالشاي اسوي فيه شاي بالاعشاب او زهورات وهم القفشه البلاستيك تحطينها يم الجوله وتستخدم كستاند للملاس وانتي قاعده اطبخين

واخيرا خذيت اكواب لسلطة الفواكه وسعرهم ال6 ب1.500

والحين بوريكم مشترواتي من جمعية الخالدية واللي خذيت منهم بوادي الشوربه وترمس العصير

وهذي مشترواتي من ايكيا طبعا كنت بالافنيوز وقلت امر واشوف وقمت وشريت هالجم شغله

اوشي خذيت قلاصات للشربت والعصير حجمهم كبير وسعرهم ب500 فلس شريت 24 واحد وخذيت هالدولكتين وسعر الوحده جنه 950 مع طقم هالدولكه والقلاصات سعرها ب1.500