طريقتي بغسيل البطانيات والكفرات

السلام عليكم ورحمة الله وبركاته

انا وحده ما احب اودي الكفرات والبطانيات للمصبغه مو يغسلونهم مع كفرات الناس وانا فيني وسواس

فدايما اغسلهم بالبيت انظف واحسن

طبعا انا مخصصه بانيو خاص لهم قليل الاستخدام

اول شي اغسله بديتول وشوية كلوركس واعبيه ماي دافي مو بارد والا حار بينهم يعني واحط بالحوض صابون انا افضل اومو وداوني وشوية ديتول

بعدين اقللب البطانيه او الكفر شوي قد ما اقدر يعني واخليه ينقع يوم كامل بعدين اصرف الماي واشطفه بنفس الطريقه بعد ما اشطفه احطه بسلة الغسيل واخليها بالبانيو طبعا انا مخصصه سله خاصه لهالعمليه بس عشان ينزل منه الماي كله

آخر شي انشره على الحبل انا حاطه اكثر من حبل رابطتهم ويا بعض عشان تتحمل وماتنقطع

وبعد ما ينشف قبل افرشه على الفراش اطيبه بالمشعل ومرات اخليه على المنشر واخلي المبخر تحته

شرايكم بطريقتي