بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
بناتي وفلذات اكبادي
اشلونكم وشحالكم 
سؤالي واضح وصريح ومافيه لف ولا دوران…
هل كيف يعني ازاااااي يعني اشلووووون
تغسلون الكفر اللي تتلحفون فيه ؟؟ لاني مع الاسف عيزت ادور مصبغة تدير بالها على الكفر كلهم يقطونهم عالارض قبل الغسيل ويدوس عليها كل من هب ودب ..وبعضهم هم بعد الغسيل على بو انهم بيسفطونهم يحطونهم عالارض (شووووف عنوني)
وانا لم ولن اقبل بهكذا معاملة حق كفراتي ..وغسالتي صغيرة عليهم يعني الشراشف والغطا الكوشيات والمخاد ويادوب بس الكفر العملاق المتين لا 
ويش اسوي فيدوني
السلام عليكم ورحمة الله وبركاته
بناتي وفلذات اكبادي
اشلونكم وشحالكم
سؤالي واضح وصريح ومافيه لف ولا دوران…
هل كيف يعني ازاااااي يعني اشلووووون
تغسلون الكفر اللي تتلحفون فيه ؟؟ لاني مع الاسف عيزت ادور مصبغة تدير بالها على الكفر كلهم يقطونهم عالارض قبل الغسيل ويدوس عليها كل من هب ودب ..وبعضهم هم بعد الغسيل على بو انهم بيسفطونهم يحطونهم عالارض (شووووف عنوني)
وانا لم ولن اقبل بهكذا معاملة حق كفراتي ..وغسالتي صغيرة عليهم يعني الشراشف والغطا الكوشيات والمخاد ويادوب بس الكفر العملاق المتين لا
ويش اسوي فيدوني
محد يغسل كفره
والا كل ماتوصخ تشترون يديد <<<<<جني اوحيت لي بفكرة
الأولى : تحطين الكفر بطشت كبير وتنقعينه بالماي والشامبو أو الماي والصابون وتخليطن الماي بيدجوتنقعين الكفر فيه خليه جذي نص ساعه تقريبا وعقب غسلي ريولج ودوسي عليه حيل حيل
أما الطريقه الثتنيه وغالبا نستخدمها حق الكفر الشتوي:
غسلي الأرضيه عن الغبار والوصخ وفرشي الكفر عالأرض وصبي عليه الماي ورشي الشامبو او الصابون و أخذي مخمه(طبعا تكون خاصه للكفر بس تستعملينها حق غسيل الكفرات) وفركي فيها الصابون وعقب صبي ماي وانتي تفركين عشان يروح الصابون وخل أحد يساعدج عشان تشرين الكفر.
وانشالله ما كون طولت عليج وانشاله طريقتي تعجبج, او اذا غسالتج كبيره حطيه..
لا تنسيني بدعائج ان بري يعطيني اللي ببالي ويرزقني الرزق الحلال
الصراحه اذا وديت كفري المصبغة يعورني فلبي
من شكل العمال الي يشتغلون الواحد منهم يبي له غسيل وتنظيف شلون بغسلون كفراتنا وهدومنا
الله يذكرها بالخير امي بعد عمري الله يشافيها كانت تغسلهم في البانيو تنقعهم مثل طريقة الاخت مس فلحه
بس الي يعرف مصبغة نظيفه واهم شي العماله الي فيها يكونون نظاف وامينين على الكفرات مو يحذفونه بالارض
اممممم سالفة البانيو عجبتني
وجاننننن بخت عندي غسالة عودة بس غسالتي عنونة يادوب تشيل خلاجيني انا وريلي
أما أنا من هالشهر ما راح اودي للمصبغة والله يابنات عقب طلاعتي وديت ديباجات عيالي جديدة أول مرة أوديها المصبغة بس كان فيها بقعة كاكاو كبيرة الله يصلح هالعيال والله مثل ما وديتها جبتها ولما شميت ريحتها مامر عليها الصابون ويقولون على ذمت الراوي إنهم يغسلون ديباجات الأوادم كلها مع بعض ووووووووويع ..
وعندي طريقة حلوة من اختي الله يخليلها عيالها … تغسلين البانيو عدل مدل بالمنظفات والكلوركس وبعدين تعبينة ماي وتحطين الديباج مع الصابون ويتنقع يوم .. وبعدها تدوسين عليه وتفركينه بإيدينج وتعصرينه واتسبعينه من الصابون عدل وتلفينه و تحطينة طرف البانيو لين ينزل الماي وبعدها بمنشر الملابس لين ينشف .. ولما تتأكدين انه تمام نشف تشغلين بخور أو عود وتحت المنشر تحطين المدخن لين تدخل الريحة كلها .. وعقبها رشئ أي مشعل تحبين ريحته..
وســـــــــــــــــــــــــلامتكم
الحبل ما يتحمله
ما لنا الا المصبغه مضطرين شنسوي
اما الحين كلة مصبغات لان ماعندي بلكونة ولا حوش وشكلي بوديهم بيت ابوي وغسلهم وارجعم لان كل ماييب كفراتي ريحتهم شي غريب مادري شنو
وكفراتي غالية الصراحة تبهذلو
من شفتهم شلون يغسلون بالمصبغه ، لالالالالالالالالالالاعب جبدي من الوساخه
شريت الديباج الأبيض يلي ينباع بـ ايكيا
وصرت اشتري أجياس للديباج من ايكيا وسيتي سنتر وسنتر بوينت وأبدل كل اسبوع جيس
واغسله بالغسالة مثل الشراشف
ولالالالالالالالالالالالا حوسة المصابغ ووصاختهم قطيييييييعه
واصلا شذيه ماتملين من الكفر نفسه على السرير ، كل اسبوع لون وشكل غير
والديباج الابيض اغسله مره كل 3 شهور بالغسالة شحلااااااااااااااااااااااته نظيف