عندي اسئله للخبيرات بالترتيب و التنظيف بالنسبة للخدم

الحووش مثلا خليهم هم الاثنين يغسلونه
ولا ييتي من الدوام جيكي شوفي سووا شغلهم ولاا لاا
قسمي مابينهم وقوليلهم انتي شغلج جذيه وجذيه عشان مايتخانقوون وكل وحدة مسئوولة عن شغلها جدامج

خلوكم على خدامه وحده وبتشوفينهم تشتغل وتحوس واذا ملت تلهي روحها بالشغل مو تسولف

ودام شغلكم شوي يعني بتلحق الخدامه عالتنظيف الصبح والظهر تطبخ الغدا وتغسل المواعين والعصر ترد للشغل ملابس وغسيل وترتيب وهذا كل يوم شغلها يعني شغل اساسي كل خدامه تسويه

ولاتخلين وحدة فيهم تتدخل بشغل الثانية

واذا صاروا فاضين بيطيحون له سوالف وخراب ..

واذا مضطره مرهـ ومحتاجة الثنتين .. مسكيهم جدامج وحاجيهم بجديه وقولي لهم شوفوا انتو ثنتين وكل وحده لها شغل

انتي لج مثلا الطباخ والمطبخ كامل وعطيها جدول لتنظيف وترتيب المطبخ يعني اليوم الفلاني تغسلين المطبخ كامل واليوم هذا

تنظيف كبتاته وهكذا والثانيه قولي لها انتي مسؤوله عن تنظيف البيت وغسيل الحمامات والملابس .. وممكن عقب المغرب اذا فضت

راعيه المطبخ يتساعدون بالكوي ..

وقولي لهم اذا في مناسبة او تنظيف جايد بتتساعدون مع بعض ماتقولين شغلي ومو شغلي والحوش والسيارات كلهم ينظفونهم مع بعض

وجربيهم شهر اذا انضبطوا كان بها ولا مشي وحده منهم ..

الله يعينج احنا وحده ولايعه جبدنا شلون ثنتين حق الشقاء والخراب والمشاكل ..