سويتها واقعدت ريحة الكبت ثابته تقريبا 3 اسابيع ريحه تجيب العافيه

السلام عليكم ورحمة الله وبركاته

ان شاءالله انكم بخير حبيباتي

طبعا الكل يدور عالسنع بكل نواحيه واهم شي عندنا النظافه
اخترعت طريقه اهي مثل فكره على اختراع على تشيير وصارت عندي طريقه
والله انها تخلي ريحة الكبتات ريحة نظافه وثااابته 3 اسابيع الحمدلله

مابي اطول هذي طريقتي
طبعا اشيل كل الملابس اغسلهم واحط مع الغسيل كومفورت المركز ع توت اتوقع
لان ماحب اشم ريحة لبس بايت قديم مو ملبوس فلازم اغسلهم حتى لو مالبسته
وامسح داخل وبرى الكبت من اوله لاخره بديتول الاصلي مخلوط مع ماي طبعا
اسوي خلطه بمرش فاضي احط فيه الكومفورت المركز وديتول الازرق وانقط دهن عود
وارش من خلطاتي على ريحة فواكه وفوقهم شوي ماي يكثر ويخفف قوة الريحه
ارجه عاد ارش وارش داخل الكبتات حتى برى لما اخلص رش
اييب انا عندي عطر بقرشة مثل دهن عود من زهور الريف ريحته فاكهه مررررركزه مادري شسمه
حسافه ولاجان علمتكم وامسح شوي على كل جهه شوي
بعدها اصفط كل الملابس المغسوله وارتبهم عدل
عاد اخر شي اشب بخور واحط داخل كل كبت 3 دقايق وشي جذي
عاد تعالوا شوفوا اشكثر اطول هالريحه والله رااحه الحين ابطل الكبت وتهف علي ريحه حللللوه
واطبع باللبس بعد
وطبعت بعباتي على اني ماعطرها جان وحده تقولي شنو عطرج ! لووول
وسلامتكم

( استغفرالله واتوب اليه )

<< اقتدي بالعضوه عائشه بقلبي جزاها الله خير