بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
هلا والله بسنعات
شوفي حبيباتي انا تناقش في موضوع معيين ومهم لكل مرأه
هوو العزيمه يعني اذا عندج عزيمه شلون تتصرفين شلون تنظمين وقتج متى تطبخين
وشلون ضيافتج وشلون وقت العشى نجاب وريحت البيت طبخ والناس عندج يعني كل شيء يخص العزايم خلونى نتكلم عنه
هلا والله بسنعات
شوفي حبيباتي انا تناقش في موضوع معيين ومهم لكل مرأه
هوو العزيمه يعني اذا عندج عزيمه شلون تتصرفين شلون تنظمين وقتج متى تطبخين
وشلون ضيافتج وشلون وقت العشى نجاب وريحت البيت طبخ والناس عندج يعني كل شيء يخص العزايم خلونى نتكلم عنه
عزايمي في بيت أهلي
وانا أجهز شغلي من الليل يعني الاستكانات – والفناجيل- الصحون- القفاش وخلافه
وكذلك بعض الاكل مثل ورق العنب (نلفه ونحطه بالثلاجه)
المحاشي (نحشيهم وبالثلاجه) واذا في صينيه دياي تتبل واتجهز ونحطها بالثلاجه
والايدام انطلعه من الفريزر ونحطه بالثلاجه
وصينيه اللزانيا أو معكرونه بالبشاميل من الليل اجهزها وهم بالثلاجه
وثاني يوم الصبح … ازهب حق السلطات الخضار تنغسل من الصبح والعصر اقصصها وبس يبقى الدرنسق وقت التقديم
والحلو غالبا اسويه قبله بيوم
والجاي والقهوه المفروض يكونون جاهزين قبل ربع او نص ساعه قبل لا اييون الضيوف
والعصير مجهزته من الظهر (ومحطوط بالثلاجه)
قبل لا ايوون بساعه اكون مبخره البيت عدل مدل
وسلامتج
و اذا اهلي ما يخالف اخلي كل وحده اتزهب لي شغله ..
اما اذا اهل زوجي او عزيمه رسميه يعني ..
طبعا قبلها بيوم اكون مطلعه السكاين و الفناجين و الصحون و القفاش و السوالف هاذي و منظفتهم عدل ..طبعا البيت كله يتنظف من فوق لتحت لانج اتعرفين في بعض المعازيم ملاقيف ..ينخشون كل مكان بالبيت ..
غالبا اذا عزيمه اهل زوجي و بنات عمه و خواته …اسوي لهم بوفيه ..او ذبيحه ..
اما اذا اقل من عشرين شخص ..
اول شي ممكن اسوي شغلات تنحط في الثلاجه ورق عنب – محاشي-
اعجن عجينه فطاير و اجمدها …
اسوي كيك ..و حلويات بالليل ..عادي ما تخرب اذا العزيمه لثاني يوم
اذا مقرره اني اسوي صنفين ..مثلا دجاج و لحم او سمج ..
اتبل السمج و اخليه بالثلاجه ..او اذا بسوي ربيان هم بعد ينتبل و بالثلاجه
من باجر الصبح اسوي جريش ..يموتون فيه ..
اطلع ورق العنب او الملفوف او المحاشي من الفريزر و اخليه يطبخ
اسوي سلطاتي …كلها و الدرسنج مع التقديم
ممكن مرات اذا مستعجله اطبخ اللحم او الدجاج و لا قرب يستوي اطفي عليه النار و اخليه ..و لا جوني الناس ولعت عليه الغاز مرة ثانيه …
طبعا السفره اكون مجهزتها ..و حاطه الصحون و كل شي ..
فما اتعذب واجد …
جان في افكار جديده علمونااا
انتي تقولين تجهزين بعض الاكلات قبلها بليله طيب ما يطلع لها طعم
وشلون راح تسخنين الاكل اكيد راح ينشف
ثاني يوم اطبخ الاكل
واحنا عندنا سخان …قبل العشاء بنص ساعه نكون غارفين الاكل وحاطينه بالسخان
وزأنا نفس jolie_q8 أجهز أكلات من بليل
وقبل ما أحط العشاء بنص ساعة أحط الأكل بالسخان
مستحيل اعزم بشقتي للأنه صغيره
وأنا ما عندي صديقات
فعزايمي بيت أهلي