من تعرف العيش المخلوط؟

المشاركة الأصلية كتبت بواسطة بنت الحزن

تقصدين الفريد رايس
اذا تقصدين هذا انا اقولج
تيبين مقله مالت الجاينيز و تحطينها علي نار متوسط و تحطين فيها شويت زيت نباتي و لازم تكونين مسويه عيش ابيض
تحضرين مقاديرج الي تبنها مثلا :
ربيان
لحم قطع طويله
او دجاج مفيوح و مقطع
بصل اخضر مقطع
جزر مقطع
فطر مقطع
بازلاء
ملفوف ابيض شرايح
و الي تحبينه
1- في الزيت حطي مقاديرج اولا اللحوم ( الربيان و لا اللحم و لا الدجاج او الثلاته مع بعض مع مراعاة و قت النضج )
2-و رشيهم فلفل اسود و ملح
3-حطي الخضار عليهم و قلبيهم علي النار عدل مع بعض
4- بعدين حطي عليهم شويه صويا صوص و قلبيهم مع يعض
5- خليهم علي النار شوي و بعدين حطي عليهم العيش الابض و قلبيهم عدل مدل مع بعض
6- و بعدينه خليه علي النار شوي
و بالهنا و الشفا
ملاحظه انا ما حطيتلج مقادير محدده علشان انا ما ادري شكثر تبي تسوين
و بالعافيه عليج و علي الي بياكلون و ادعيلي يا حلوه اني اتزوج
بس تعبت