المجبوس

ومشكوره

سويت مجبوس الدياي طريقة" الغاليه نونو" طلع عجيب ، وطمعناه ابمجبوس اللحم

ابي طريقة المجبوس الكويتي

الدرس الأول : مجبوس اللحم

مجبوس اللحم

مجبوس اللحم بالخطوات المصورة مجبوس اللحم

مجبوس اللحم مع الفقع من دموع الكويت بالخطوات المصورة

مجبوس اللحم
شي تيبين اللحيمه وتغسلينها غسالن سنع تفركينها فرك بايدج اكثر من مره لما يصير لون الماي صافي ويطلع منها كل الزنخ .. مفهوووووووووووم .. بعدين تجهزون الجدر اللي بتفوحون فيه اللحيمه .. تحطين مويهه بالجدر وعليها جم عويد دارسين خشن وجم حبيبة فلفل اسود خشن وحبيبات مسمار خشن وهيل هم خشن.. خشن الله ويه العدو .. وتقصين بصلتين ارباع وجم فص ثوم .. ويه ادري الخدامه بتسوي كل شي .. وتحطينهم فوق الماي لما يفوح تحطين اللحيمه بالماي ومن يفوح الماي يبي بهار مخلوط عاد اكيد تعرفونه وتحطين منه شوية على اللحم وتنطرين لمدة ساعه وربع او اكثر على حسب نوع اللحيمه .. وبهل فتره تغسلين العيش طبعا غسيل العيش مايبيله شي .. تحركينه بالماي اكثر من مره لما يصفى لون الماي وبعدين تنقعينه بماي حار وفوقه ملح وتخلينه على كتر ..ماعليكم من امهاتكم ادري بقولون مايصير يتنقع العيش بماي حار قولولهم مالكم شغل.. الحين نرجع حق اللحم عقب ساعه من الفوح تحطين عليه الملح طبعا تحطين الملح شوي شوي وتذوقين طعمه مفهوووووووم ؟؟ مابي اقولج حطي هل كثر ملح ادري ماراح تفهمين لان المخ مصدي اللهم ما ياكافي .. الحين خلص اللحم هني تشيلين اللحيمه وتحطينها بصينيه وتشخلين ماي اللحم من البهار وبعدين تيبين الجدر وتحطين فيه شوية ماي وتكبين فوقه العيش وخلي الماي يصير فوق العيش بشويه مو تغرقينه ويصير مريس؟؟ وتخلينه يتسكر على راحته ..ومن يبدي الماي يخف وماتشوفينه حطي حديده تحت الجدر وخليه على نار هاديه .. الحين تروحين حق اللحم وترشينه بدارسين ناعم وهيل ناعم وتقلينه ومن يخلص القلي تحطينه فوق العيش وتسكرين الجدر

وطبعا تكونين مزهبه الحشو والزعفران .. الزعفران تنقعينه بماي ورد اذا كان عندج ولا ماي عادي ..وتخلينه على كتر .. الحين نتكلم عن الحشو
الحشو يابناتي عباره عن بصل مقصص صغار وكشمش ونخي .. تغسلين الكشمش وتنقعينه وتغسلين النخي وتفوحينه شوي او يكون منقع من فتره هذي طريقه وهذي طريقه المهم تيبين البصل وتحمسينه بجدر طبعا بدون دهن او شي ثاني تخلينه يزل مايه وتحركينه باستمرار ومن يتلزق رشي عليه شوية ماي وتحركينه لما يقلب لونه ويصير شوي محومر او ادعم ..عسى مك مغبر يدعم ابليس واهله .. بعدين تحطين فوقه الكشمش والنخي وتحركينهم وتحطين فوقهم لومي سحاري ناعم وشوية فلفل اسود وشوية ملح وفي ناس يحطون شوية بهار مخلوط هم حلو وتحركينه واذا شفتيه يتلزق حطيله شوية ماي وحركيه لما ينشف الماي وهني خلص الحشو .. شيلي الحشو وحطيه بنفس الجدر اللي فيه العيش واللحم على كتر عشان العيش ياخذ ريحة الحشو وتيبين الزعفران وترشينه فوق العيش واللحم والحشو وتسكرين الجدر عشر دقايق ونجبي وعليج بالعافيه .. طبعا الدقوس تعرفون تسونه وماله داعي اقولكم .. وان قال ريلج وايد حلو قوليله اي عليك بالعافيه بس لايكون تحسب اني بطبخلك كل يوم لا انا طبخت بس عشان اوريك اني اعرف .. ودايم حطيله معبوج وكثري منه عشان يحترق انزين؟؟ ولاتنسين تحطين فلفل احمر على الرقي وبالدقوس كثري الفلفل عشان لايدلع عليج ويطلب غدى كل يوم .. زز
والحين يالله مطابخكم و يعله منزول العافيه

المقادير :

2 كيلو لحم .

6 أكواب رز .

4 طماطم .

3 بصلات .

3 بطاطس .

معجون طماطم – زبادي .

زعفران

بهارات

الطريقة :

1- يقطع اللحم الى قطع صغيرة ويغسل

– يغلي اللحم لمدة 45 دقيقة , يضاف

الملح , الفلفل , والليمون .

( تاكدي من ازالة الفقاعات التي تتجمع

في الاعلى ) .

– بينما يغلي اللحم , تقطع الخضروات

الى قطع صغيرة

– يغسل الرز ويترك جانبا .

– في هذه الاثناء يكون اللحم جاهزا .

6- يحمر البصل حتى يصبح لونة ذهبيا

7- يضاف اللحم ويخلط مع البصل

– تضاف الى البصل واللحم كل من :

3 ملاعق صغيرة بهارات , 2 ملعقة من الكركم

ملعقة واحدة صغيرة من الفلفل الاحمر ,

وملعقة واحدة صغيرة كزبرة …

9- يضاف الروب ويخلط

10- ثم يضاف البطاطس .

11- ثم تضاف الطماطم المقطعة

12- تضاف بقية الخضروات وتخلط

– يغطى الخليط في القدر ويترك لمدة 5 دقائق

يضاف معجون الطماطم ,ويخلط ثم يترك

مغطيا لمدة 10 دقائق .

– خلال هذه الفترة , يسلق الرز حتى يكون

نصف نضج …

16- ضع نصف الرز في وعاء اكبر .

17- ثم ضع خليط اللحم فوق الرز .

18- ضع نصف الرز الاخر فوق الخليط .

وهكذا سيكون لديكي ثلاث طبقات فوق

بعض الرز ثم اللحم ثم الرز .

ثم اضيفي الزعفران المنقوع

على سطح الرز

19- يغطى القدر بالالمنيوم يطبخ لمدة

( 10 – 20 دقيقه ) على نار هادئة .

– عندما ينضج الرز يغرف الاكل في الاطباق

مع اضافة شرائح البصل المقلي وبيض مسلوق

** مجبوس اللحم **

المقادير

2 كيلو من لحم الغنم بعظمه.
8 كوب من الأرز المنقوع والمغسول في ماء مالح.
2 ـ 3 حبة من البطاطس.
4 ـ 5 فص من الثوم المقطع إلى شرائح.
4 حبة من الليمون الأسود (مثقوبة).
6 فص من الثوم المدقوق.
4 ـ 5 حبة من الفلفل الأسود.
4 ـ 5 عود من القرنفل.
2 ـ 3 عود من الدارسين (قرفة).
1 حبة من البصل المفروم ناعماً.
2 ملعقة صغيرة من الكركم+1/2 كوب من ماء الورد.
1/2 ملعقة من الهيل. + سمن.
2 ملعقة كبيرة من البهارات المتنوعة.
2 ملعقة كبيرة من عصير الليمون.
بضع خيوط من الزعفران المنقوعة في.
1 ـ 2 ملعقة كبيرة من الملح أو حسب الذوق.

الوصفة

يسلق النخي (الحمص المفلوق) في الماء حتى ينضج تماماً ثم يضاف إليه الملح. يرفع النخي من القدر ويترك جانباً.
يغسل اللحم ويقطع إلى قطع متوسطة الحجم وينظف من الدهن الزائد ثم يوضع في قدر على النار ويغمر بالماء ويترك حتى يغلي جيداً.
تزال الرغوة أو الزبدة عن سطح قدر اللحم ثم يضاف إليه البهارات المتنوعة ومقدار 2 ملعقة كبيرة من البصل وقليل من الكركم. يغطى القدر ويترك اللحم على نار هادئة حتى ينضج. يمكن إضافة الماء أثناء السلق بحيث يبقى في النهاية مقداره 5 ـ 6 كوب من مرق اللحم.
يضاف الملح والليمون الأسود إلى اللحم، وبعد حوالي 15 دقيقة يرفع اللحم من القدر ويحتفظ بمرق السلق.
تغسل حبات البطاطس من الأوساخ والتراب وتسلق بالماء حتى تقترب من النضوج. ترفع من القدر وتقشر وتقطع إلى قطع متوسطة الحجم وتنقع في الماء المالح.
تحضير الحشو:.
يوضع البصل المفروم في قدر على نار متوسطة ويقلب جيداً حتى يبدأ بالالتصاق. يرش بالماء بين الحين والآخر مع الاستمرار بالتقليب لمنع التصاقه بالقاع.
عندما يصبح البصل ليناً ولونه بنياً يضاف إليه نحو 1/2 كوب من السمن، يقلب البصل فيه ثم تخفف النار ويضاف إلى القدر شرائح الثوم والنخي المسلوق والبهارات والليمون الأسود واللوز المفلوق والكركم والملح. تقلب جميع المكونات جيداً ثم ترش بملىء 2 ملعقة صغيرة من ماء الورد. يغطى القدر ويترك على نار خفيفة مدة 5 دقائق تقريباً.
يهرس الثوم ويخلط مع عصير الليمون والملح والبهارات وتدعك البطاطس واللحم بالخليط ثم يرش عليها الكزبرة والكمون المحمص مع الهيل الناعم والملح. تضاف البطاطا واللحم إلى قدر الحشو وتترك تغلي نحو 10 دقائق على نار هادئة.
يرفع الحشو من القدر، ثم يضاف نحو 1/2 كوب من السمن وتحمر البطاطا. ترفع البطاطا من القدر وتحمر اللحم أيضاً دون أن تحترق ويمكن إضافة قليل من السمن إذا لزم الأمر. ترفع اللحمة من القدر وتترك جانباً.
يغسل الأرز ويصفى من الماء جيداً ثم يضاف إلى القدر نفسه ويقلب في السمن قليلاً. توضع مرق اللحم في قدر آخر وتغلى على نار قوية ثم تضاف إلى الأرز حتى تغمره جيداً. يضاف الليمون الأسود إلى الأرز ويترك على نار متوسطة حتى يشرب الأرز معظم ماءه.
يغطى قدر الأرز ويترك على نار خفيفة نحو 20 دقيقة تقريباً مع وضع قطعة معدنية تحت القدر.
يقلب الأرز بانتباه ثم تدفن الحشو في وسطه وتصف قطع اللحم والبطاطا على سطحه ويرش ببقية كمية ماء الورد. يغطى القدر من جديد ويترك على نار هادئة نحو 20 ـ 25 دقيقة.
يصب الأرز في طبق التقديم ويغطى بالحشو وتصف قطع اللحم والبطاطس على وجهه ويقدم ساخناً مع الدقوس.

وعوافي عليكم

وما شاء الله ولا قوة الا بالله

مشرفه متميزة صراحه

حسبيني

خخخخخخ

بالعافيه

مكان ميسري يمري

اقتباس:

المشاركة الأصلية كتبت بواسطة خبيرة اعشاب مرحبا اول شي المجبوس الي ريحته اتذوخ يعتمد بالاساس على نوع اللحم الي رح تستخدمينه يعني عشان يكون حلو لازم اتكون الذبيحة خروف عربي ذابحينه بالمسلخ و يكون اللحم جديد يعني مو حاطته شهر بالفريزر … ثانيا طريقتي اول شي احط ماي حار و احط فيه اللحم و لازم يكون الماي حار عشان ما يسود اللحم اوكي ..تطبخينه مدة 5 الى 10 دقايق عشان تطلع الزفرة مع ان اللحم العربي مستحيل اتصير فيه ريحة زفرة بجدر ثاني احط لي شوي زيت و بهارات عدلة ( دارسين / هيل / قرنفل / ورق غار ) ثم شوي بصل و فص ثوم واحد ..و احمسهم على النار الهادية بعدين اصفي اللحم و اضيفه عليهم ثم البهارات المطحونة بس شوي رشة خفيفة مو واجد .. و اصب ماي حار و اخليه يطبخ تقريبا نص ساعة بعدين احط الملح لان لا حطيتي الملح في اول الطبخة رح يكش اللحم و ما ينضج بسرعة … بعد ما املح اخليه يطبخ نص ساعة ثانية ..طبعا اذا الخروف صغير ما يبي له اكثر من ساعة اما اذا جبير يبي له ساعة و نص او ساعتين على حسب … الحين نقعي العيش الكمية الي تناسبج بالاضافة لماي الورد + رشة هيل + زعفران نجي الحين للحشو الحين بالشتا يا حلو حشو النخي و الكشمش .. انا وضحت قبل طريقة الحشو في موضوع سابق بس ما يمنع اعيدها بصل اتقصينه و اتحطينه بدهن خفيف اتضيفين عليه لومي مطحون + دارسين ناعم + 3 حبات مسمار + رشة هيل + كركم قلبيه شوي يا ما يصير لين طبعا الكشمش اتنقعينه في ماي حار ضيفيه على البصل + فنجان ماي ورد و ممكن زعفران شوي حركي و خليه على نار هادية ياما ينشف جيبي علبة نخي و صفيها من الماي و حطي نصها تقريبا على الحشو ..و قلبي الحين رح يكون اللحم استوى ..طلعيه من الماي و رشي عليه شوي هيل و ادهنيه بالزعفران و ماي الورد و ذخليه الفرن يتحمر صفي الماي من البصل و البهارات و كبي العيش ..ثم ماي الورد الي بالزعفران و بعدين وزعي الحشو فوق العيش عشان يتطعم خليه مدة 10 دقايق و انشبي و ذوقي عاد الطعم اشلون

نفس طريقتي بالضبط