منو تعرف طريقة سبرنغ رول الصيني؟

والحشوه تتكون من:
ملفوف ابيض(لهانه)
جزر
فلفل رومي
بصل اخضر
مشروم
ثوم
بصل ابيض
ودياي على حسب الرغبه
صويا صوص
مكعب ماجي
ملح
فلفل اسود
شوية بابريكا
ثوم بودر
زيت زيتون
وفي بهارات صينيه تحصلينها بمركز سلطان(مو ضروري)
المهم
تحمسين البصل الابيض والخضر في الزيت لين يذبل
وبعدين تقطين فوقه اللهانه والفلفل الرومي
طبعا تكونين مقطعتهم طوال وضعاف
لين يذبلون وبعدين المشروم
واخر شي الجزر
وبعدين تحطين فوقهم شوية صويا صوص
وتحطين بهارات
واذا تبين معاهم دياي تكونين مقطعته صغار صغار وتقدرين تستخدمين شاورما دياي امريكانا الجاهز
طبخيه بالمقله وبعدين حطيه فوق خلطتج
واذا انتي بتطبخين الدياي يبي صدور قطعيها بعدين سلقيها بماي وفلفل اسود وملح مدة نص ساعه وبعدين نقعيه بليمون وصلصة صويا قبل لا تحطينه فوق الحمسه
وبعدين حشي العجينه بالحشوه وقليها
ادري طولتها اوهي قصيره
وبالعافيه عألبكون
اي ونسيت اقولج في بالجمعيه صلصه صوب الكتشب تصير ثقيله مثل الكتشب وفيها فلفل احمر
بطل شفاف والطمقه مالته احمر باصفر
ما اعرف اسمها حطيها بطويسه وحطيها بوسط الطبق اللي بتقدمين فيه حق التقمس