شاورما امريكانا

انا بعد مثلج ما احب اشتريها كله احس انه ديايهم زفر

جان زين البنات يفيدوني معاج

امريكانا زفر جربي شاورما كوكي عجيبة ولا تطلع ماااي والشاورما اللحم مالت بينار عجيبة

سويها مع المعكرونه مع اي شي

انا صراحه دايم اشتري روعه وما احسه زفر

بس انا ازيده بهارات مشكله وملح وفلفل أسود ويطلع روعه

طبعا انا طريقتي شاورما صاج
مايبيلها شي اذا شاورما لحم
احمسي شاورما الدياي مع بصل وشوي سماق وبهارات مشكله وملح وفلفل أسود
واول ما تخلصين حطي عليها شوي بقدونس وحشيها في خبز صاج ولفيها بقصدير
وطبعا اذا تبين طريقه احلى حطي عليها شوي طحينه

وشاورما الدياي حمشي الشاورما مع شوي جزر وفلفل بارد وبصل وبهارات وملح وفلفل اسود
وبعدين حطيها في خبز الصاج مع بطاط تكونين قاليته من قبل ولفيه بقصدير

وطبعا مو شرط خبز صاج تقدرين تستخدمين خبز لبناني بس الصاج أخف

وانا مرات احط معاه مشروم وفلفل بارد وبصل وكريمه واحمسه بعدين احطه بالفرن وفوقه شوي جبن موتزاريلا هم يطلع روعه

لا انا امجربه كوكي زفر
وامس شريت امريكانا اللحم و الدياي
ماعجبني الدياي بس اللحم يهبل

طحناله شاورما لحم امريكانااااااااااااااااااااا

طريقتي
احمس بصله وثومه وبعدين احط قوطي اللحم
واحمسهم عدل مدل

بعدين اقص بصل جوانح واسوي طحينه شوي خفيفه واحطهم على الحمسه واصك الجوله على طووووووووووووووول

وبس حشيهم مع مخلل وطماط وخس