"استفسار عن البصل و زيت القلي"

أنا قبل أقصص البصل واخليه بالفريزر وكل ما كنت أبيه

أحصله جاهز

بس بعدين قمت أحس لم أحمس البصل ريحته موهذاك الزود

قمت أقص البصل بنفس اليوم

وحتي الزيت

لم أخليه

ثاني يوم

استخدمه ريحته قوية وتخنق

انزين لما اقص البصل و استخدم شويه وين اودي الباجي؟

هلا اختي

انا سمعت ان مو زين تخلين البصل مده طويله بالثلاجه أو الفريزر

الا اذا كان محموس

يقولون يتأكسد ويطلع مادة خطرة

انا حدي اخليه يوم أو يومين بالكثير

القالب اهو القالب اللي نثلج فيه الماي ونسوي مكعبات ماي مثلجه اللي يكون مقسم مربعات عرفتيه؟ طلعيه الفريزر قبل لاتروحين الدوام خليه بمشخال صغير عشان ينزل ماي الثلج منه بهارات مجدي يبيعون بصل مجفف وعندك شوربه كنور بالبصل الفرنسيه تقدرين تستخدمينها حق كل طبخه لان فيها بصل ووووايد وطعمها حلو يعني لوبتسوين مرق حمسيها دقيقتين بزيت وحطي الثوم والطماط يعني سوي المرق طعمها لذيذ وحتي ما تحتاج بهارات الا تفه فلفل اسود اذا جربتي طريقتي بشوربه كنور بترتاحين حيييل وراح تستخدمنيها بكل طبخه شكلك عروس ومتوهقه الله يعينك