تخطى إلى المحتوى
الرئيسية » ابي طرقة عمل الحمسات الهندية الحاره بانجان وبطاط وووو؟؟؟

ابي طرقة عمل الحمسات الهندية الحاره بانجان وبطاط وووو؟؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

قوهشلونكم
طلبتكم انا وحام ومشتهية حمسات اللي مع الغدا قبل هنديتي تسويلي باذنجان مع حليب جوز الهند والخردل وفاصوليا حاره بصلصه الطماط وبطاط بالماجي والفلفل وتفنن وحاولت اقلدها مضبطت معاي لان اساسا معرف ولا شفتها شتحط ومشتهيه هالحمسات الحاره مع الغدا اللي تعرف تقولي الصريقه وتكسب فيني اجر

6 أفكار بشأن “ابي طرقة عمل الحمسات الهندية الحاره بانجان وبطاط وووو؟؟؟”

  1. معبوج كويتي حار

    المقـــــــــادير

    2 باذنجان (حجم وسط) مقطعة حلقات بالقشر…ومقلية..ومنشفته من الدهن

    ملعقة فلفل احمر حااار (خشن)
    ملعقة معجون طماط
    2 فص ثوم مقطع صغار
    بصلة حجم وسط..مقطعة صغار
    2 قرن صغير فلفل اخضر حاااااااار ..مال الهنود
    ((تقصينه بالطول وتطلعين الحبوب اللي داخله..وانتبهي استعملي السكين بتطليعهم…لانه من حرورته..حتى عقب ماتخلصين وتغسلين ايدينج وتحوشين عينج بتحرقج))
    وعقب ماتطلعين الحبوب البيضاء يقطع صغار صغار

    نرجع لمحور حديثنا قصدي مقاديرنا

    عصير ليمونه
    2 ملعقة خل
    2 ملعقة زيت زيتون
    رشة ملح و فلفل اسود..وملح الليمون (ممكن تستغنين عنه لو ماتحبين

    بقدونس مفروم..انا احب يكون تقطيعه كبار

    الطــــــــــــــــريقة

    بالخلاط

    البصل + الثوم + والفلفل الاحمر + الفلفل الاخضر+ معجون الطماط + الليمون + الخل + الزيت + الملح
    (( كل المقادير ماعدا الباذنجان والبقدونس))

    وعقب خلط المعبوج بالخلاط

    تحطين فوقه الباذنجان والبقدونس …وتخلطين الجميع ..تحاولين تحركينه بحذر ..عشان ما تمرسين الباذنجان
    لانه بيكون طري جدا…وبالف عافيه على قلوبكم

    منقوووووووووووووووول



  2. عندي طريفة معبوج روووووعه وسهله بالمره
    دايم اسويها للغدا,,وتعجب حمولتي
    المقادير
    2 بصل مقطع طوال
    2ثوم مدقوق
    1 باذنجان وسط مقطع مكعبات ومقلي
    1بطاطاوسط مقطعه مكعبات ومقليه
    فلفل علوب حارحسب الكميه اللي تبين انا احط 5حبات
    كاس ماء كبير مخلوط معه 2 ملعقه بودرة حليب جوز الهند
    كركم وملح وشوي بزار

    الطريقه
    -احمسي البصل والثوم بنص كاس زيت..حمس بسيط الى ان يذوب البصل شوي ولايحترق الثوم
    -حطي عليه العلوب واستمري بالحمس.كذا دقيقتين
    -وبعدين اضيفي البهار والملح والكركم
    -اضيفي البطاطا والباذنجان وحمسي شوي
    -واخيرا اضيفي الحليب وخليه على نار هاديه الى ان يثقل
    ويقدم مع الارز…
    الله يهون عليك…بس لاتكثرين من الحار ترى يصلع الطفل…شوفيني وانا حامل اكل بكثره من هالشغلات وطلعت بنتي صلعه وماطلع شعرها الا لما كملت سنه…



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.