ண آحلى صينيه توست بالدياي بالصور و الخطوآت لعيونكمـ ண

,

السلاااااااااام علييييييكم ؛ )
مبارك عليكم الشششششهر و كل عام و انتو بخير ،
اليوم سويت صينيه دياي خذيت فكرتها من النت و غيرت فيها شوي

اليكم المقادير و الطريقه :

تبشرين طماطه كبيره و تحطين عليها زيت زيتوون مع بصل صغار صغار و بهارات و ماجي و تخلينهم على نار هاديه مع التحريك لمده عشر دقايق

تجهزين حق حمسه الدياي " بصله مفرومه / جزر مبشور / فلفل آخضر صغار صغار / ملح / فلفل آسود / مآجي 1 "

الدياي تفوحينه لمده ساعه الا ربع بعدين تقصينه صغار صغار تخلينه مثل الشآورمآ و تحطين عليه فلفل اسود و شوية ملح و تخلينه .،

ييبي بآديه حطي فيها قوطي روب / 3 قفاش مآيونيز / 3 قفاش جبن سائل و فلفل اسود " خلطه الروب "

ييبي بآديه ثانيه و حطي فيها قلاص جبن سائل و 1 قيمر " قشطه " كي دي دي و شوية سماااق

الحين انيي حق البآيركس " حطي أول طبقه حمسه الطماط الي سويتيها أول شي "

الطبقه الثانيه " عباره عن توست منزوع الحوااف "

الحين انيي حق حمسه الدياي " ييبي الجدر مآلج حطي فيه شوية زيت و حطي عليه الفلفل الاخضر و البصل و اليزر الي قصيتيهم مع البهارات و الدياي حمسيهم شوي .، بعدين ييبي خلطه الروب الي سويتيها فوق و حطيها على الحمسه و قطي الجدر و كل شوي بطليه و حركيييه عشان مآ يلصق تحت و حمسيه لمده 10 دقايق "

بعدين حطيه على التوست كـ طبقه ثالثه !!

و مره ثانيه " توست منزوع الحواف "

وصبي فوقها خلطه " الجبن و القيمر و السماق " الي سويتيها .،

و حطيها بالفرن لمده عشر الى ربع ساعه تقريبا على مآ تتحمر من فوق .،
هاذا شكلها النهائي :

من قريب آكثر :

آي سؤال و استفسار انا حآظره .،