صينية توست بالدياي والجبن

هذي الأكله ياطويلين العمر

واااااااااااااااايد سهله

أولا ييبوا ديايه مفيوحه (( مطبوخه ))

وقطعوها بإيدكم نفس الشورما

(( نتفوووووها تنتف ))

وييبوا الآتي

بصل + جزر + فليفله + مكعب ماجي

وملعقه كبيره صماق <<عادي مولازم للي يبي

وأقلوهم بالزيت

مع فتافيت الدياي

وصبوا فوقهم … ماي مال الديايه لما فحتوها

(( كوب صغير مال الجبن ))

واتركوها على نار هاديه

لمدة ربع إلى ثلث ساعه

أو إلى أن ينشف الماي

وألحين التحضير

جيبوا توست وقطعوا أطرافه

رصوه بالصينيه

حطوا عليه مسحة مايونيز

وصبوا حشوة الدياي

وحطوا طبقه ثانيه من التوست

واضغطوا عليه بإيدكم

حتى مايتفكك

وألحين الصلصه النهائيه

كوب جبن كرافت أو مالك (( الحجم الكبير ))

+ علبة قيمر (( قشطه ))

+ ثلاث غفشات مايونيز (( ملاعق ))

ونخلطهم في الميكسر (( الخلاط ))

ونصبهم فوق التوست

ويدخل الفرن

حط الصينيه آآآآآآآآآآخر شي تحت

وبطل النار من فوق بسسسسس

وانتظر تقريبا ربع ساعه

وحتى يصبح الوجه أشقر

طلعوه من الفرن وقطعوه

وهني وعافيه

أنا عن نفسي أترك الباقي بالثلاجه لثاني يوم

وبعدين أسخنه بالميكروويف وآكله

يعني الطبخه هذي ممكن تظل ثلاث أيام بالثلاجه

دون أن يتغير طعمها

وهي تصلح للعزابيه

وصدقوني رووووووووعه

وكل من ذاقها شكرني

على فكره

أنا على طول أسويها

لأن عليها طلب

وسلملم