بيتزا المهندسة اللذيذة

السلام عليكم ورحمة الله وبركاته

شلونكم أعضاءنا
انشالله بخير ؟؟!!

هذي البيتزا كنت أسويها
من يوم ما كان عمري 13 سنة

>>> يعني صارلي 12 سنة أسويها

ولا لقيت ألذ منها (والله)
هي جدا بسيطة
لكنها جدا جدا جدا لذيذة

اليكم المقادير ,,

مقادير العجينة:
1 كيس صغير طحين أبيض>> يعادل 6 أكواب
5 ملاعق أكل سكر ((جبل))>>يعني متروسة!!
5 ملاعق حليب بودرة ((جبل)) >> هم متروسة
1 ملعقة صغيرة ملح
2 ملعقة وسط خميرة فورية

هذي هي المقادير الجافة

1 كوب زيت (( دهن القلي العادي ))
3 أكواب ماء دافي >> ركزوا على كلمة دافي

مقادير البيتزا :
كاتشب أو صلصة بيتزا
نقانق
زيتون أسود شرائح ((بالزيت ألذ))
مشروم أو فطر شرائح
فلفل بارد شرائح
طماط , بصل .. حسب الرغبة
جبنة موزاريلا

الطريقة :

أول شي نخلط المقادير الجافة

نضيف كوب الزيت وكوب واحد ماء دفعة وحدة
ونعجن باليد .. ثم نضيف باقي الماء بالتدريج>>شوي شوي

أحيانا يزيد معاج 1/2 كوب
مافي أي مشكلة .. على حسب العجينة

نتابع العجن ..

لما تحسين بأن العجينة أصبحت متجانسة
وبأن ايدج صارت نظيفة تماما والتلزيق اختفى

>>> ترى العجينة جاهزة للتخمير

نتركها بمكان دافي لمدة نص ساعة والأحسن
نغطيها بفوطة أو كمبل عشان نوفر لها الدفء المناسب

نشوف العجينة بعد نص ساعة…
عشان تعرفين اذا كانت جاهزة ولا لأ ,,حاولي تفتحينها وشوفي داخلها لو صار شكلها مثل الاسفنج يعني خلصت

نجهز مقادير البيتزا ..

ندهن صينية (( غير لاصقة ))
ونفرد العجينة >> لاتكون سميكة وايد ترى هي بتنفش بالفرن ..

نحط الكاتشب .. أنا أستخدم كاتشب maggi
يخلي البيتزا جدا لذيذة .. أطيب من الصوص الجاهز

نحط المقادير حسب الرغبة

وندخلها الفرن على درجة حرارة متوسطة .. جاري الانتظار..
لما تستوي نص سوى … نطلعها ونحظ الجبنة وندخلها مرة ثانية الفرن
((عادي خلي الفرن شغال من تحت بس واذا تحبين الجبن يتحمر شغليه من فوق .. بس حطي بالج عليه .. ترى أقل من 5 دقايق بيتحمر))

وهذا شكلها النهائي,,

عوافي على قلوبكم ..

أتمنى يكون الموضوع نال على اعجابكم
^_______^