سر القبوط مرقوق ونطاعته منو تعرف

العجينه طبعا

اذا عجينتج لينه وحلوه يظبط القبوط والمرقوق

هذي عجينة القبوط ماخذتها من امي ومعتمدتها عندي والحمدلله سنيين وانا اسويها

4 اكواب طحين اسمر منخول

2 كوب طحين ابيض منخول

شوية كركم وفلفل اسود وملح

ونص ملعقة صغيره خميره

خلطيهم وحطي عليهم ثلاث ارباع كوب زيت وماي دافي حسب حاجتج

وعجني العجينه وايد اما بالعجانه او بالايد

وكل ماطالت مدة العجن كل ماكان القبوط احلى

وخليها ترتاح ساعه

وحشيها بالحشو اللي تحبينه

وحطيها بالمرق

اما عجينة المرقوق

كوب طحين اسمر منخول
ونص كوب طحين ابيض منخول
وربع كوب زيت
وملح وفلفل اسود وشوية بهارات مشكله
وماي دافي للعجن

عجني المقادير عدل وخليها ترتاح ساعه واكثر

فردي العجينه بعد ماترتاح وقصصيها وسقطيها بمرقة المرقوق

ان شاءالله اكون افدتج

واي سؤال انا حاضره

اللومي والمعجون ههههههههههههههه

لاصج احس اللومي اهو اللي يطلع الطبخه وينطعها

والله ماعندى فكرة مااعرف اطبخهم

دبس الرمان يحلي اي طبخ

ويضيف له نكهة مميزة
ولا تنسين جوزة الطيب
ابشريها طازجة فوق الطبخة في مراحلها الاخيرة بس لا تكثرين

يسلموو ~ }

معك اختكـــــ سعوديه قصيميه احنامشهورين بلكلتين القبوط…نسميه مطازيز
المرقوق …مثلكم بس حبيت اضيف ان طعم المرقوق والقبوط بالمرق الي فيه يعني احمسي البصل والطماط بعد فرمهم وحطي خضار ..قرع كوسه بطاطس وفلفل اسود وبهارات الخاصه للحم ووانتبهي تصلحينهم بالدجاج الله يكرم النعمه…وخليهم على نار هاديه مدة ساعتين ولاتنسين تكثرين الماء على شان ماينعجنون ويلتصقون على بعض….. وتعالي شمي الريحه والطعم الي ماخذحقه من النار :وعليك بالعافيه
ملاحظه العجينه بس دقيق بر.اسمر…وماء فقط لاغير …علشان تاخذطعم المرق ….

اتوقع كل وحدو ونفسها

مادري