تخطى إلى المحتوى
الرئيسية » بقدم لكم طبقين حصريااااااااا لكم ( خبز لحم+كيكه الباذنجان بالبشمل)

بقدم لكم طبقين حصريااااااااا لكم ( خبز لحم+كيكه الباذنجان بالبشمل)

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

بسم الله الرحمن الرحيم

اولا خبز اللحم

مقاديرها

تشترين عجينه من الخباز انا اخذت بااميه فلس تقريبا خمس كور من العجينه تكفي حق 4 الى 5 اشخاص
حطي عليهم راس بصل مبشور تاعم

شده بقدونس مفروم

تقريبا نص جيس لحم غنم مفروم

حطي عليهم شويه ملح لاتكثرين لان العجين فيه ملح مع ملعقه صغيره كركم مع نص ملعقه صغيره فلفل اسود ورشه فلفل احمر بودره

اعجنينهم عدل مدل

رشيها شويه طحين اسمر لانها تتلزق بالايد بس لاتكثرين حلاتها طريه

وخليها ربع ساعه ترتاح

بعدين كوريها كور متوسطه وهم رشيها رشه طحين خفيفه

وبعدها فرديها بايدج ماتحتاج نشابه الخشب لانها تلزق فكافي بيدج تفردينها

اللحين سخني الفرن عدل وفتحي النار من الصوبين الاعلى والاسفل عشان يسير نفس التنور وحطي صينيه فرن لازم تكون بايركس او ستيل حطي الصينيه بالفرن شويه عشان تسخن

وطلعي الصينيه وحطي عليها الخبز المغرود وبالفرن خليها لما تحمر الخبزه شويه( تاخذ دقايق بسيطه) وكرري نفس الشي مع بقيه العجينه لما تخبزينهم كلهم

الطبق الثاني بعد الفاصل ^^

الوسوم:

14 أفكار بشأن “بقدم لكم طبقين حصريااااااااا لكم ( خبز لحم+كيكه الباذنجان بالبشمل)”

  2. amira
    الرد
    [color="red"]الطبق الثاني سويه مفاجئه وراح يعجب الكل انشالله لان شكله غريب وطعمه الذ[/
    color]

    اول شي تاخذين تقريبا 7 حبات باذنجان وتقطعينهم بالطول شرايح خفيفه ونقعيه بماي وملح واقليه بزين خفيييييييييييييف لاتكثرين الزيت عشان لايتشرب البيديان الزيت

    وصفي البيديان بصينيه بايركس دائريه وغزيره وحجمها وسط وخلي البيديان على اجناب الصينيه نفس الصوره

    اللحين سوي مكرونه العريضه او اي نوع باستا تحبينها سويها نفس الطريقه العاديه مع لحم مفروم وطماط معجون بس خليها شويه لينه عشان تتماسك مع الطبق

    وحطيها فوق البيديان نفس الصوره


    ممكن ترشينها جبنه مزرولا

    بعدها سوي صلصه البشمل العاديه بس بعد ماتطفين النار وتبرد شويه كسري عليها بيضه مع رشه فلفل ابيض وخلطيها مع البشمل

    شوفو لونها من البيضه

    حطيهم بفرن وخلي النار مفتوحه من الاعلى واىسفل

    لما تحمر

    طلعيها من الفرن ونطري شويه تبرد وتتماسك

    بعدها بالسجين فججيها من الاطراف وقلبيها بصحن


    وزينيها حسب ماتحبيت

    شرايكم

  6. kamiliya
    الرد
    ماشاء الله تبارك الرحمن روووووووووووووعه

    بالنسبة لخبز اللحم امي تسوي الخلطه من لحم وخضار وتوديه لخباز ايراني يخبزه مره خطير طعمه يصير

    يسلمووووووو هاليدين ياقلبي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.