~ مع Lovely jojo ~ ابشري بأحلى ملفوف محشي :)

مرحــــبا صبايا وحريــــــم

مع تزايد الطلبات على محشي الملفوف بعد مانزلت الصورة بموضوعي عن البوفيه اللي سويناه ..

قلت انزل طريقته لحبايبي اللي استفدت منهم الكثير ..

يالله نبدي بسم الله

المكونات :

الحشوة ~

بصله مقصصه صغار اتحمسينها بالجدر مع شوية زيت وفصين ثوم وضيفي لحم مفروم واحد اتكونين طبعا امغسلته ومنظفته

واحمسيه عدل عشان اتروح الزفرة وبعدها ضيفي شدة بقدونس مفروم وشدة شبنت مفروم و مكعبات ماجي و البهارات من

كركم وفلفل اسود وبهار سعودي واي بهار انتي اتحبين طعمه بالاكل ثم حطي معجون طماط تقريبا واحد ونص الى 2 يعني

اللون يكون احمر وضيفي تقريبا استكانة ونص ماي وشوية عصير ليمون وبالخير حطي كوب ونص ارز مغسول ومصفى

كيفج تبينه مصري او العادي .. بس العادي اطعم واحلى .. خليه اشوية تقريبا خمس دقايق وشيليه عن النار مو شرط يستوي..

وبجذي خلصنا الحشوة نجي للملفوف ..

جيبي جدر وحطي فيه ماي وخليه يطبخ وحطي فيه كمون حب واقطعي ورقة ورقة محطي كمية بالجدر مو كلها وخليه تطبخ

لين يتغير لونها ويصير شوية شفاف ..

والحين نروح لمرحلة اللف ..

اخذي ورقة وحده وحطيها بالعرض وحطي الحشوة ولفيها سيدااا .. اذا ما فهمتوها ادور صورة من النت توضح هالنقطة ..

جيبي جدر وحطي في القاع اوراق من الملفوف الزايد اللي ما طبختيه وحطي فوقه الملفوف اللي لفيتيه واخر شي سوي المرقة

سخني ماي حار حسب كمية الملفوف اللي عندج انا تقريبا اسوي 4 اكواب وحط 1 ونص او 2 معجون وملح وعصير

ليمونتين وشوية فلفل اسود وماجي 2 ..

وغطيه بصحن قزاز وفوقها غطى الجدر يبيله ساعتين الى 3 ساعات ويستوي …

واي سؤال انا حاااظرة