طريقة عمل اسباجيتي باللحمه المفرومه بالصور

اسباجيتي بالبولونيــز

المقادير
مكرونه اسباجيتي
زيت وملعقه صغيره ملح وماء لسلق المكرونه
1 بصله كبيره مقطعه مكعب صغير جدا
1 طماطم متوسطه مقطعه مكعب صغير جدا
1 معجون طماطم
11/2 ملعقه صغيره ملح
رشه ارفه مطحونه
رشه جوزه الطيب مطحونه
1/4 ملعقه صغيره شطه
1/4 ملعقة صغيره بهارات
1 ملعقة كبيره سمن

الطــريقة

نحط في الحله مايه وشويه زيت وملح ونستنى لغايه لما تغلي المايه

نحط المكرونه لغايه لما تستوي

نصفي المكرونه ولازم نسمي بالله ونشطف المكرونه بالمايه العاديه

نبتدي نعمل صلصه البولونيز

نحط السمن في الحله

نضيف البصل

ونقلب البصل لغايه لما يدبل

نضيف بعد كدا الطماطم ونقلب لغايه لما كمان الطماطم تدبل شويه مجرد 5 دقايق

نضيف بعد كدا اللحمه المفرومه والملح والبهارات والارفه و الشطه وجوزه الطيب

نقلب اللحمه المفرومه شويه وبعد كدا نضيف عليها معجون الطماطم وربع كوبايه مايه

نقلب الخليط كله كويس ونخفض النار ونغطى عليه لغايه لما يتسبك

بعد كدا نضيف البولونيز على المكرونه ونقلبها

واخر لمسه للطبق اننا نضيف فوق الوش جبنه رومي مبشوره

وبكدا نكون خلصنا وصفتنا للنهارده واتمنى انكم تجربوها وتقولولي رأيكم