Back to school(())**(()) امهات مابقى شي على المدارس تجهزتوا ولا بعد ؟؟ تعالوااا ضروري

أنا والله ما أعرف لان ولدى البجر بالروضه بس بغيت أقولج شى واحد : ربى يخلييج لعيالج ويحفظهم لج ويبلغج فيهم ويبعد عنكم كل مكروووووه يارب العالميين

هلا فنانة …….

الله المستعان ذكرتينا يا مال العافية

اليوم اتفقت مع ابوة اروح باجر مارك سبنسر اشتريله بنطرونات وقمصان لانه بضاعتهم روووووووعـــــــــه خصوصا انه انا بنطرونه كحلي بس تحصلين عندهم رمادي

اما بالنسبة لاغراض المكتبة فالمدرسة بنهاية العام معطينا ورقة وفيها الطلبات الي يحتاجها ………

بالنسبة للجوتي فكنت دايمن اشتري من اثلتس بس العام جربت كلاركس صج غويلي شوي بس كرفه كراف ولين اخر السنة جنة يديد

انا انصحج انج اهم شي تشتريلهم النش بوكس ويكون حجمها راهي شوي وكراتين اقلام رصاص وكرتون مساحات صغيره جدا لانه كل يوم بيضيعون الله يعينج وبراية نوعية ممتازة عندج بالبيت علشان تبريلهم كل يوم

والاغراض الباجية لاتشترينها الا اذا داوموا راح يعطونهم ابلاتهم الطلبات اللي يبونها

فنون انا هالسنة رئاسة قسم وين تنصحيني اسوي سجلاتي؟؟

السلااااام عليكم ورحمة الله وبركااااااااااااته

حبيت اساااعدج لو بشئ بسيط
انا اشووف ماما واشوف تجهييزنا للمدرسه

دفااتر تكون خفيفه وما تزيد عن 60 ورقه << واذا المدرسه تعطيهم حلو ع حلو .
اقلااااام تكثرين لهم لانه يوميا يضييع شئ .
محاايات نفس الشئ اشتري الكميه الكاافيه عشان مو كل يوم تطقين درب .
برااياات شوفيلهم نووع حلو ويكون ما يخرب ولا ينكسر ويفضل الحديد الاصلي << ما اعرف اسمهم .
لانش بووكس << ع عدد عيالج سمالله عليهم
وتحطين لهم فيها اللي تبينه ويحبون ياكلونه << طبعا كل ليله من البقاله
ومطاطير ماي << احسن لهم من المشاارب

اللبس << حلو بالايووب << اللي بحولي حق هدوم المدرسه
او سنتر بوينت بين فتره وفتره ينزل سكني جينز للمدرسه ذررب

الجناط بكل مكااان تلاقين و ع حسب انتي شنوو تحبين نوعها
وان شاءالله سههله لااا تحاااتين الابتداائيه
بس نصييحتي لج يالغاليه

بس عووووديهم ع نظام معين من اول شئ عشان يلتزمون فيه ع طوووول

واتمنى اني افدتج

انا عندي هالسنه ان شاء الله رابعه وخامسه واولى ابتدائي الله يعيني على اولى ابتدائي
اول شي نطري الورقه مالت الطلبات من المدرسه لا تشترين شي
المساطر والبرايات هذيل سالفه اغراض المقلمه لازم مقلمه كشخه حق البنات باغراضها وخليلج مقلبه حق كل واحد بالبيت والوان
انا اييب نفس طلبات المدرسه حق البيت من الدفاتر يسوون الهوم وورك بدفتر البيت وعقب لما تطلع النتيجه والخط زينين اخليهم بدفتر المدرسه
وبعد شنو وبس هذا اللي في بالي الحين

انا اشتري حق البنات من الايوب والجواتي مادري من كل سنه اشتري محل الشباصات اروح سرداب الشايع والتيجان

ولازم العطر انا اخذلهم من بدي شوف لانه خفيف وكريمات الجسم

انا بعد محتاره وكاعده استفيد من خبرتكم انزين الجناط من وين اشتريتو

فنون انا جيكت على ورقه الطلبات مالت ولدي ولقيت فيها الطلبات مالت كل المراحل فاذا عيالج بشيخان فطلباتهم كالاتي

اللغة العربية : 4 دفاتر 40 ورقة +دفتر للمكتبة للفصل الدراسي الثاني + ملفين

اللغة الانجليزية : 2 دفتر 40 ورقة (4 اسطر ) + الوان خشبية + 2 ملف + غلاف شهادة

التربية الاسلامية : 1 دفتر 40 ورقة + ملف

الرياضيات : دفتر 40 ورقة + قلم لوح + الوان خشبية + اعواد مصاص

العلوم : الوان خشبية + بالطو علوم الابيض + دفتر 40 ورقة

التربية البدنية : بلوزة بيضة – شورت اسود حذاء اسود رياضي

التربية الفنية : الوان شينية – قص ولزق – كراسه رسم- الوان خشبية

التربية الموسيقية : دفتر موسيقى لجميع الصفوف —-> انا شخصيا ما اعترف فيها يعني طاااااااف