التصنيف: ركن تفسير الأحلام

اختي الغاليه مفسرة الاحلام انا كتبت حلمي الفستان الاصفر والاسود والبيانات ومع ذلك كان الرد اني لازمن اتقيد بالقوانين وانا مستغربه اي قوانين لاني كتبته والبيانات وفي اليوم المخصص لك يا مفسرة الاحلام ولكمن الصدمه انهه ما تفسر ارجو التفسير ولك جزيل الشكر

السلام عليكم
ياريت تفسرون لي هالحلم لانه حيرني وتعبني حيييل وماكنت افكر بشي قبل لا أنام وأنا مو حامل وحالتي الدينية الحمدالله زينه
حلمت اني قاعدة انا وخالتي ام زوجي وخوات زوجي وزوجة حماي في غرفة خالتي وكانت مرة حماي فاصخه حجابها وبعدها دخل زوجي الغرفه وسلم علي خواته بس ماأذكر اذا باسهم او لا بس اذكر انه سلم علي زوجة اخوه وباسها وباسته وكأن الوضع طبيعي ولا لبست حجابها ولا نزلت جم دراعتها لانها كانت رافعه جم دراعتها مع العلم بأنها بنت خالهم وانا لما شفت جذي انصدمت وماقدرت اتكلم بقولهم شلون او شنو فيه ماقدرت من صدمتي وقاعدة اقول انا ادري انها تزوجت اخوه واهو صغير عمرة 8 او9 سنين قصدي عن زوجي وتقريباً ربا مع عيالها بس هم هذا مايعطيه الحق انه يسلم عليها واهي شلون ترضي بجذي

حلمت ان اهلي باعو بيتهم اللي اشتروه من 4 او 5 سنين ورجعوا شرو بيتهم القديم وامي قاعدة تنزل الاغراض من السيارة وترتبهم بالبيت واهي حيل مستانسة وانا مستغربة منهم انهم ليش باعوا الجديد ورجعوا لبيتهم القديم

حلمي الثالث حلمت ان في عرس يخص اهل امي بس مو محدد بيت منو اذا خالها او اخوها بس الاغلب خالها وبنته لابسة ثوب عروس وكنا كلنا قاعدين بصاله بس صغيرة وبعدين فتحوا باب يودي لصاله ثانية وفي احد قالهم روحو توسعوا بالصاله الثانية والناس قامت بسرعه واهم يتدافعون بعدين قامت امي وقالت ليش جذي بتخربون العرس الناس متخسرة خلو الكل فمكان واحد ومرة اخوي وهي بنفس الوقت بنت خالي قالت لامي عمه استكي مالنا شغل كيفهم وبفس ابوقت الناس كانو يرجعون لمكانهم والعروس طاحت من الزحمة وكانت تضحك مع العلم ان خال امي تعبان وزوجته بعد واثنينهم بالمستشفى
الله يخليج شنو ماكان التفسير بعرفه

انا بنت مو متزوجه واشتغل ….حلمت ابشخص اعرفه كنت ادوره ورحت بيتهم بالحوش واقفه …ودخلت الصاله واهوا قاعد ابوسط الصاله ياكل وكله رياييل دار مداره لابسين دشاديش وغترة وعقال واهوا لا …اشرلي على ريال ماعرفه وقالي هذا ولد عمي …بعدين قالي انتي روحي بعدين احاجيج وخلص الحلم….