التصنيف: ركن العروس

السلام عليكم

كيفكوون ياعرايس
تجهزون ولالا

اللي ماتجهز تطلع برا

يعني انا اولكم

قبل سنه تزوجت وحده من اهلي وراحت رشا شيك وعاد هناك العاملات قالولها حسافه كان عندنا عرض شهر 2
لو حاجزه افضل لانه نص القيمه عاد المهم حطيت السالفه براسي وقلت ماراح احجز الا بعرضهم

والله رحتلهم فوق المرتين وكل ما اجس النبظ واقول في عروض تقول لا مستحيل احنا ماسوينا عروض
المهم قبل اسبوعين كنت بحجز بس الحمدالله ماحجزت ربي يحبني

اغلبكم لاهين بالتجهيز والامتحانات امس مادري قبل امس حصلت اعلانها بالجريده وعرضها طبعااا على طول فكرت احجز

وحبيت ابلغكم اللي مادرت عشان نستفيد اليوم دقيت عليها العروس عند منار 350 بالعرض بيصير 225 شوفوا الفرق
والمكياج العادي 65 مع رموش وكريم جسم مع العرض يصير 45 طبعا

سالتها عن التساريح قالت اذا حجزتي يشوفون شعرج جنه ويحددون

وباجر في عرض مكياج عرايس وبدل هم روحوا

اي صح تقدرون تحجزون عادي حتى لو عروسكم على شهر 9 و10 عادي المهم تحجزون الحين
اللي تبي رشا ومصممه تحجز حرام تنطر يعني شوفوا الفرق حييل شاسع

انا باجر بروح واحجز وخواتي معاي ووبنشوف هم عرض المكياج والبدل البيضه :$ لانه عرسي شهر3

كتبت الموضوع عشان اللي ماتعرف تعرف احنا محتاجين لكل دينار وهالصالونات ناهبينا على الاقل
نستفيد كلنا …

ادعولي اصير خوش بنت واجهز عرسي مابقى عليه شيء وماجهزت

السلآم عليكم ورحمة الله وبركآته
الله يجزآكم خير بنآت
بغيت اعرف وين القا بوكسات الكعوبه والجواتي عزكم الله
قصدي كراتين للجواتي شفاف وشكله حلوووو
اللي تعرف وين ينبآع تفيدني
الله لإ يهينهآ ..

السلام بنات عسى الله يوفقكم شنو حجزتي صالونج وليش
شرايكم بصالون حنان دشتي حولي وصالون كونتنتال
والله اني محتارة بينهم كونتنتال اوفر ومدري احس الناس اتركته وحنان جيتهم ناعم وكريمهم موصافي ومدري عن التسريحات جد محتارة الله يوفقكم فيدوني جعلكم الجنة