التصنيف: نساء وحمل و ولادة

السلام عليكم .. شلونكم بنات .. مواضيعكم تينن ووايد مفيدة ..
عندي سؤالين .. الأول :
أنا في كل ولاداتي السابقة كنت أروح الهادي أول ما يجيني الطلوق .. وكانوا يحطون لي ( وأنتوا بكرامة ) حقنة شرجية , وكنت أتضايق بس شسوي .
هالمرة نصحتني أخت عزيزة علي إني أتأخر ما روح مبكر المستشفى علشان ما أحطها خصوصاً أن لها مضاعفات مو زينة ( مثل ما قالت لي بواسير وغيره ) فهل أحد منكم ولد بدونها ,, وسؤالي : إذا ولدتوا بدونها يعني العفو .. هل يخرج منكم شيء لا إرادي مع شدة الطلق ؟؟؟؟
سامحوني خواتي بس لأني أول مرة بولد بدونها وأخاف أنحرج ..

سؤالي الثاني : هل فيه واحدة جربت الولادة بدون كمام ؟ آنا ودي أجرب بدون الكمام يمكن أحس بطلعة الراس وأشوف البيبي أول ما يطلع ..

عفية اللي جربت لا تبخل علي .. مشكورين مقدماً