بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم و رحمة الله و بركاته
قوه بنات شخباركم 
ابيكم بمساعده مهمه جدا
الله يسلمكم انا مطلوب مني 2 بروجكتس + 2 برزنتيشنز عن البروجكتس
فالمطلوب منكن يا احلى صبايا :
1- ابي اقتراحاتكم لتوبيك متعلق باللينغويستكس " اللغويات " و تقدرين تلاقين مصادر و
ريسورسس في مكتبة الجامعه 
2 – ابي افكار و فناتق للبرزنتيشنز
3 – نصايح اقدر استفيد منها في البرزنتيشنز من حيث الــ سيلف كونفيدنس " ثقه " البودي
لانقوج " لغة الجسد " يعني باختصار نصايح تخليني اقدم برزنتيشن و انا مرتاحه و مو خايفه 
و سلامتكم
السلام عليكم و رحمة الله و بركاته
قوه بنات شخباركم
ابيكم بمساعده مهمه جدا
الله يسلمكم انا مطلوب مني 2 بروجكتس + 2 برزنتيشنز عن البروجكتس
فالمطلوب منكن يا احلى صبايا :
1- ابي اقتراحاتكم لتوبيك متعلق باللينغويستكس " اللغويات " و تقدرين تلاقين مصادر و
ريسورسس في مكتبة الجامعه
2 – ابي افكار و فناتق للبرزنتيشنز
3 – نصايح اقدر استفيد منها في البرزنتيشنز من حيث الــ سيلف كونفيدنس " ثقه " البودي
لانقوج " لغة الجسد " يعني باختصار نصايح تخليني اقدم برزنتيشن و انا مرتاحه و مو خايفه
و سلامتكم
والله ماقدر افيدج ماعندي خبرة لي الحين ماوصلت هالمرحلة وموفقة انشالله
وترى توقيعج حلو بالعافية
عيونج الحلوه يا قمر
و مشكوره انج عبرتيني مو مثل بعض ناس
==<< نغزه قويه لكويتيات ^_^
و عندج انا سويت عن الكرتكال بيريد و سويت عن لانقوج اند جندر و اايد استانس عليهم الدكتور انا خذيتها عند امين المهنا الصيف الي طاف
و من محاسن الصدف " قلبت مصري
" عندي بحث كامل عن
اللانقوج اند جندر بس متردده اقدمه
ابي كذا توبيك منكم و انا بختار ==<< طرار و يتشرط ^_^
حاولي أول شي تبدين بنكته والا قصه سهلة والا شي غريب
كثري الصور بالعرض عشان يلهون فيها
حاولي تطالعين الكل ونصيحه لا تركزين بعيون الا اللي تمونين عليهم بالسكشن اما الباجي طالعي يبهتهم ويعتقدون انج مركزه بعيونهم
حاولي تقدمين وانتي واقفه اذا ماكنتي تعبانه والعرض مو طويل (أهم شي راحتج عشان تقديمين وانتي مرتاحه)
وطمنينا بعدين شصار
حاولي تتحركين وتحركين ايدج على لوحة العرض (مثل مذيعات النشره الجويه بس موايد لآ تبالغين)
حاولي تبتسمين اذا أحد قاطعج وقوليله سؤال حلو بس ممكن أخلص العرض وراح أجاوب على أي استفسار
غيري نبره صوتج ما تكون نبره وحده ولا تحسسينهم انج مرتيكه بالعكس (خلج قمه الثقة)
حاولي تستعينين بنص العرض بأوراق أو كتيبات أو شي حلو (كان عندي تقديم عن الدوافع والتحفيز قدمت لهم 3 كتب شكر عندي خاصة فيني فنصهم لهو فيهم أثناء العرض
آخر العرض حطي سلايد مضحك أو غريب وكتبي نشكر استماعكم وأسألتكم البناءة وكبري الخط بكلمه البناءة عشان اللي يحس السؤال ماله داعي يبلعه ويسكت
و أهم شي خلج واثقة ان محد فاهم موضوعج كثرج فاي سؤال مو قصدهم الاحراج بالعكس ممكن يبون يستفيدون من خبرتج
وقبل لا تبدين شربي ماي وسمي بالرحمن
الله يوفقج يارب
خلي اجوبتج على الاسئله مختصره وواضحه وبصوت مسموع واي احد يسأل سؤال انصتي له بالكامل واذا احد حاول يقاطعج اشري بايدج بحركه حازمه ورقيقه بنفس الوقتوافضل ا ترفعين ايدج وايد يعني خليها بمستوى خصرج مو أكثر جاوبي على اول سؤال وبعدين روحي للي قاطعتج تفضلي
ترى العرض مو المعلومه بقدر ادارة وقتج بالوقت المحدد وفن تقديمها
واذا لج خلق فبركي سؤال انتي ووحده من صديقاتج تكونين متدربه على اجابته (حركات نصب بس تنفع وتخلي الدكتور ما ينتفج وايد ويعي مجال للطلبه اكثر
3/4 اللي بقوله قالته مسوكه…..
اول شي توكلي ع الله ولا تحاتين ….
استخدمي صور …..
ولا تحفظين الموضوع افهميه ….
وفيه نقاط وايد عطونا ايها بعلاقات عامه عن البرزنتيشن الناجح……
بروح ادور نوتي…..
واذكرهم لج….
والله يوفقج…..
وبالنسبه للموضوع البحث اختاري موضوع تحبينه عشان تبدعين فيه….
وع الاسئله اتفقي مع البنات على اسئله محدده ….
بس انا ما حب هالحركه احب اتفلسف عليهم خخخخخ….
حلومه ميخالف مصختها بس حطي بايدج كروت صغيره ترجعين لها اذا احتجتي فيها عنوان صغير من كل سلايد وعلى عدد السلايدات حتى بوقت الأسئله تكونين مستعده بالكروت وما تدورين بالبريزنتشين نفسه على الشاشه ولما تدورين بالأوراق أفضل يعتقدون المعلومات اللي في الكرت الصغير وايد وانج مستعده عدل (حق تقييم الدكتور)
سوي لانقوج اند جندر الانه بيكون متجدد و في مجال الاسئله و الاهم انه مو ممل ترى اهو وايد يركز على موضوعج و اذا كان انترستنق او لا انا قدمت لانقوج اند جندر بالمدتيرم و عطاني 23من 25
كلكم بلا استثناء و خصوصا مسووووووووكه بعد عمري ما قصرت
و كل وحده دشت و شرفتني بردها
طواااقه
خلاص قررت لانقوج اند جندر اللي بسويه